साय्मी सहकारीको तेस्रो साधारण सभा

काठमाडौं  २२ पुस । साय्मी बचत तथा ऋण सहकारी लिमिटेडले तेस्रो वार्षिक साधारण सभा गरेको छ । कुलेश्वरमा कार्यालय खोलेर सुरु गरेको सो संस्थाको शेयरपुँजी आव २०६८, ०६९ मा २६ लाख ५२ हजार रुपैयाँ रहेकोमा ०६९, ०७० मा ४६ लाख ८५ हजार पुगेको छ । यो ७० दशमलव ६५ ले बढी हो ।

सस्थाका अध्यक्ष निना मानन्धरले सस्थाले गत वर्षको भन्दा यस वर्ष बचत रकम राम्रो गरेको बताईन् । उनले खर्च कटाएर यस वर्ष ७४ हजार रुपैयाँ बचत भएको जानकारी दिइन् । संस्थाका प्रमख कार्यकारी अधिकृत राजेन्द्र मानन्धरले यस वर्ष कुल आम्दानी ८८ लाख ५२ हजार रुपैयाँ पुगेको बताए । उनले आम्दानीमा खर्च कटाएर सस्थाले ७४ हजार बचत भएको जानकारी दिए ।