माता म्हेपी सहकारीको अध्यक्षमा कृष्णनारायण श्रेष्ठ

काठमाडौं, २० पुस । माता म्हेपी बचत तथा ऋण सहकारी संस्थामा नयाँ नेतृत्व चयन भएको छ । संस्थाको चौथो साधारणसभाले कृष्णनारायण श्रेष्ठको अध्यक्षतामा नयाँ कार्यसमिति चयन गरेको हो ।

 उपाध्यक्षमा ज्वालासुन्दर तुलाधर, कोषाध्यक्षमा रमा रेग्मी, सचिवमा विनयकुमार राजभण्डारी रहनुभएको छ । त्यस्तै सदस्यमा रञ्जित देव, सुर्भदा मानन्धर, अमूल्य सागर तुलाधर रहनुभएको छ ।संस्थाले ३ करोड २५ लाख निक्षेप संकलन गरेको छ । संस्थामा १ सय १० जना शेयर सदस्य रहेका छन् । संस्थाले गत आर्थिक वर्षमा १ लाख ३२ हजार आयकर तिरेको थियो ।

संस्थाका नवनिर्वाचित अध्यक्ष कृष्णनारायण श्रेष्ठले संस्थाले सामाजिक कार्यमा पनि आफ्ना गतिविधि सञ्चालन गर्ने बताउनुभयो ।
कार्यक्रममा बोल्दै प्रमुख अतिथी काठमाडौं क्षेत्र नम्बर ४ का सभासद् रामविर मानन्धरले आर्थिक विकासमा सहकारीको महत्वपूर्ण योगदान रहेकाले सहकारीको प्रवद्र्वनमा लाग्नुपर्ने बताउनुभयो ।

 संस्थासंग कारोवार गर्ने उत्कृष्ट सदस्य छनौट गरि चन्द्रकुमार स्थापित , पन्नाशोभा कंसाकार , बसनारायण महर्जन , हरिओम नारायण मानन्धर र पदम गजमेरलाई सभामा प्रमुख अतिथिको हातवाट सम्मान उपहार वितरण गरियो भने संस्थाका जेष्ठ सदस्य तथा उपाध्यक्ष प्रथमजीव स्थापितलाई पनि सभाले दोसल्ला ओढाएर सम्मान गरिएको थियो ।