चिया उत्पादक सहकारीमा गुरुङ

इलाम, १८ पुस । चिया उत्पादक जिल्ला सहकारी संघ इलाममा प्रेमराज गुरुङको अध्यक्षतामा नयाँ कार्यसमिति चयन भएको छ ।

नव निर्वाचीत कार्य समितिको उपाध्यक्ष र सचिवमा क्रमशः पूर्णबहादुर राई र पद्म तामाङ रहेका छन् । यसैगरी सदस्यहरूमा देवीकुमारी राई, गोमा पाठक, रोमनाथ अधिकारी, गोविन्द दाहाल, बेदनिधि पोखरेल र थीरबहादुर राउत चयन भए । त्यस्तै सभाले टंक खत्रीको संयोजकत्वमा घनश्याम घिमिरे र मीना राई सम्मिलित तीन सदस्यीय लेखा समितिसमेत चयन गरेको छ ।

सभामा सहकारी बैंक इलामका प्रमुख गोपाल काफ्लेले सहकारीमा लागेका किसानको व्यवसाय वृद्धिका लागि बैंकले आर्थिक लगानी गर्न तयार रहेको बताए । उनले सहकारीलाई बैंकमा खाता खोल्नसमेत आग्रह गरे ।