अविरल सहकारीको दोस्रो साधारणसभा

बारा, ११ पुस । जिल्लाको फत्तेपुरमा अवस्थित अविरल बचत तथा ऋण सहकारी संस्था पिपरियाको दोस्रो वार्षिक साधारणसभा सम्पन्न भएको छ ।

वार्षिक साधारणसभा उदघाटन गर्दै नेपाल बचत तथा ऋण केन्द्रीय सहकारी संघ नेफ्स्कूनका नवनिर्वाचित सञ्चालक कृष्ण पौडेलले सहकारी अभियान मुलुकको आर्थिक सामाजिक र सांस्कृतिक रुपान्तरण, एकता र स्वाधिन अर्थतन्त्र निर्माणको आधारको रुपमा रहेको बताए । कार्यक्रममा फत्तेपुर गाविसका निवर्तमान अध्यक्ष रामबिहारी चौधरी, स्थानीय निमाविका प्रधानाध्यापक भोला चौधरी, साना किसान कृषि सहकारी संस्था फत्तेपुरका रामबाबु चौधरीलगायतले शुभकामना दिए ।

वार्षिक साधारणसभाले नेफ्स्कूनका नवनिर्वाचित सञ्चालक कृष्ण पौडेललाई ससम्मान बधाई दिइएको थियो । साथै संस्थाका पूर्व कर्मचारीलाई कदर पत्रसहित सम्मान गरिएको थियो ।