अरनिको बहुउद्देश्यीय सहकारीको ३६ लाख आम्दानी

मोरङ ६ पुस । अरनिको बहुउद्देश्य सहकारी संस्था लि विराटनगरको पाँचाँै वार्षिक साधारणसभाको पूर्वराजदुत गोपालप्रसाद शर्माले  उद्घाटन गर्नुभयो ।

सो अवसरमा संस्थाका अध्यक्ष दिनेश सुवेदीले आव २०६९÷७० मा कुल रु एक करोड १४ लाख चार हजार ५०० आम्दानी र रु ७६ लाख ९२ हजार ५०० खर्च गरी रु ३७ लाख १२ हजार सञ्चालन बचत गर्ने लक्ष्य रहेकोमा रु ३६ लाख ९३ हजार ८०० उपलब्धि भएको आर्थिक प्रतिवेदन प्रस्तुत गर्नुभयो ।

कार्यक्रममा गएको एसएलसी परीक्षामा उत्कृष्ट अङ्क ल्याउने तीन जना सेयर सदस्यका छोरा अनिश आचार्यलाई रु चार हजार, दोस्रो स्थानमा रहेका सौगात श्रेष्ठलाई रु तीन हजार र तृतीय स्थानका विनय पोखरेललाई रु दुई हजार नगद पुरस्कारसहित सम्मान गरियो ।

संस्थामा असल ऋणीको भूमिका निर्वाह गर्ने भक्तराज धामी र सुमन शर्मा रिजाल तथा अपेक्षित बचत गर्ने गोविन्द अग्रवाललाई पनि सम्मान गरियो । सो अवसरमा प्रमुख अतिथि शर्माले समाजमा छरिएर रहेका पँुंजीलाई एकत्रित गरी राम्रो काम गर्न सहकारीलाई सुझाव दिनुभयो ।