नेफ्सकुन अध्यक्षमा चन्द्र प्रसाद ढकालको उम्मेदवारी

काठमाडौं, १ पुस । आगामी पुस ५ गते हुने नेपाल बचत तथा ऋण सहकारी संघ -नेफ्सकुन) को निर्वाचनमा अध्यक्ष पदका लागि सहकारीकर्मी चन्द्र प्रसाद ढकालले उम्मेदवारी घोषणा गर्नुभएको छ । नवलपरासी स्थित ग्रामिण बचत तथा ऋण सहकारी संस्थाको प्रतिनिधित्व गर्दै ढकालले उम्मेद्धारी दिनुभएको हो । उहाँले यसअघि नेफ्सकुनको लेखा समितीको संयोजकको रुपमा काम गरिसक्नुभएको छ ।

नेफ्सकुनको स्थापनादेखि आबद्ध रहनुभएका ढकाल खुला र उदार अर्थतन्त्रमा नै सहकारीको विकास हुने विश्वास गर्नुहुन्छ । सहकारी आन्दोलनको संरचनागत तथा दिगो विकासका लागि आफूले उम्मेद्धारी दिएको उहाँको दाबी छ ।

बचत तथा ऋण सहकारी संस्थाका १९ सय ६२ जना प्रतिनिधि सहभागि हुने उक्त सभाको उद्घाटन अर्थमन्त्री शंकर प्रसाद कोइरालाले गर्नुहुनेछ ।