ललितपुर : ललितपुरको सातदोबाटोमा प्रधान कार्यालय रहेको देउराली बहुउद्देश्यीय सहकारी संस्था दैनिक १० हजार पनि भुक्तानी गर्न नसक्ने अवस्थामा पुगेको छ । आर्थिक कारोबार नै बन्द गरेर पुनः सुचारु भएको देउराली बहुउद्देश्यीय सहकारी पुनः रकम भुक्तानी गर्न नसक्ने अवस्थामा पुगेको छ ।

प्रति सदस्य १० हजार भुक्तानी गर्दै आएको देउरालीले सिमित संख्यामा मात्र रकम भुक्तानी गर्न थालेको छ । संस्थाले टोकन विवरण गर्ने रकम भुक्तानी सुरु गरेको छ । दैनिक एक सय जनालाई मात्र रकम भुक्तानी गर्न थालेको देउराली सहकारी प्रधान कार्यालयका एक कर्मचारीले बताए ।

असार २७ गतेसम्मको लागि टोकन विवरण भैसकेको समेत ती कर्मचारीले जानकारी दिए ।

तर, संस्थाका सदस्यहरु भने रुष्ट भएका छन् । टोकन पाउने भन्दा नपाउने सदस्यहरु धेरै रहेका छन् । पैसा फिर्ता दिनुत परको कुरा टोकन समेत नपाएको सदस्यहरुले गुनासो गरेका छन् । संस्थाले कति जनालाई टोकन वितरण गरेको हो, के आधारमा टोकन वितरण गरेको भन्ने आधिकारीक जानकारी दिएको छैन ।

संस्थाका सदस्यहरुले संस्था थप संकटमा गएको र बहाना स्वरुप टोकन वितरण गरेको आरोप लगाएका छन् ।

सदस्यहरुबाट झण्डै ३ अर्ब बचत संकलन गरेको देउरालीले जग्गा र सञ्चालकको निजी व्यवसायमा लगानी गर्दा संस्थाको तरलता व्यवस्थापनमा समस्या देखिएको ।

यो पनि पढ्नुहोस्

चर्को दबाबपछि देउरालीको कारोबार खुला, प्रति सदस्य १० हजार मात्र भुक्तानी

फलोअप १ : जग्गा र मिटर ब्याजले डुब्यो देउराली सहकारी

देउराली बहुउद्देश्यीय सहकारी आर्थिक संकटमा, सूचना टाँसेर कारोबार बन्द