राष्ट्रिय सहकारी बैंकको २२औं वार्षिक साधारण सभामा विभिन्न व्यक्ति तथा सहकारी सम्मानित

काठमाडौं : राष्ट्रिय सहकारी बैंक लिमिटेडले २२औँ वार्षिक साधारण सभाको अवसरमा विभिन्न व्यक्ति तथा संघ/संस्थाहरुलाई सम्मान तथा पुरस्कार वितरण गरेको छ ।

शनिवार सम्पन्न एकाइ स्तरमा भएको २२औँ वार्षिक साधारण सभामा सात वटै प्रदेशबाट सम्मान हुने व्यक्ति तथा संघ संस्थाहरुलाई सम्मान तथा पुरस्कार वितरण गरेको हो ।
एकाइ ३ अन्तर्गत बागमती प्रदेशको काठमाडौँमा शनिवार भएको एकाइ साधारण सभामा बैंकका अध्यक्ष महेन्द्र कुमार गिरीले सम्मानित व्यक्ति तथा संघ/संस्थाका प्रतिनिधिहरूलाई सम्मान तथा पुरस्कार वितरण गर्नुभयो ।

बैंकले विभिन्न विधामा पुरस्कृत तथा सम्मान गर्ने कार्यक्रम अन्तर्गत राष्ट्रिय स्तरको बैंकका संस्थापक अध्यक्ष स्वर्गीय राजेशहरि जोशी स्मृति सम्मान पुरस्कारबाट लुम्बिनी बचत तथा ऋण सहकारी संस्था लिमिटेड रुपन्देहीका संस्थापक अध्यक्ष (निवर्तमान अध्यक्ष) महेश्वर प्रसाद श्रेष्ठलाई सम्मान गरेको छ ।

त्यसैगरी पूर्व सञ्चालक तर्फ बैंकका पूर्व सञ्चालक कुमार खत्री, राष्ट्रिय सहकारी बैंक लिमिटेड दीर्घ सेवा सम्मानबाट बैंकको व्यवसाय विकास विभागकी प्रमुख मधु रायमाझीलाई प्रदान गरेको छ ।

त्यसैगरी बैंकले देशभरका सदस्य सहकारी संघहरु मध्ये राष्ट्रिय स्तरको बागलुङ दुग्ध उत्पादक सहकारी संघ लिमिटेड, बागलुङ, उत्कृष्ट सहकारी संस्था सम्मान पुरस्कार (बचत तथा ऋण) राष्ट्र सेवक बचत तथा ऋण सहकारी संस्था लिमिटेड इलाम–७, इलाम, उत्कृष्ट सहकारी संस्था सम्मान पुरस्कार (बचत तथा ऋण बाहेक) मिर्मिरे बहुमुखी सहकारी संस्था लिमिटेड तिलोत्तमा–१५, उत्कृष्ट सहकारी संस्था सम्मान पुरस्कार राष्ट्रिय स्तर महिलाद्वारा सञ्चालित संस्था मध्ये जननी सामाजिक उद्यमी महिला सहकारी संस्था लिमिटेड राप्ती सोनारी–२, खोरिया बाँकेलाई सम्मान गरेको छ ।

त्यसैगरी बैंकको शाखा कार्यालयहरू मध्येबाट कोहलपुर शाखा कार्यालय, कर्मचारीहरू मध्ये अधिकृत तहबाट सरोज सापकोटा (केन्द्रीय कार्यालय), सहायक स्तरबाट आनन्द झा, (जनकपुर शाखा), सहयोगी स्तरबाट राम गोपाल श्रेष्ठ (केन्द्रीय कार्यालय) र बैंकको असुली कार्यमा उत्कृष्ट कार्य गरे बापत केन्द्रीय कार्यालयमा कार्यरत कर्मचारी शिव प्रसाद पण्डितलाई सम्मान गरिएको छ ।

पुरस्कृत तथा सम्मानित व्यक्ति तथा सदस्य सहकारी संघ संस्थालाई सम्बन्धित प्रदेशमा आयोजित एकाइ साधारण सभामा सम्मान पुरस्कार वितरण गरेको थियो ।

बैंकले कोसी प्रदेश स्तरीय बचत तथा ऋण तर्फ सयपत्री नारी विकास बचत तथा ऋण सहकारी संस्था लिमिटेड धरान–११, सुनसरी, बचत तथा ऋण बाहेक राँके बहुउद्देश्यीय सहकारी संस्था लिमिटेड फाल्गुननन्द–३, पाँचथर र महिला तर्फ तमोर महिला कृषि सहकारी संस्था लिमिटेड फुङ्लिङ ताप्लेजुङलाई सम्मान गरेको छ ।

त्यसैगरी मधेस प्रदेश तर्फ बचत तथा ऋण तर्फ युवा सरोकार बचत तथा ऋण सहकारी संस्था लिमिटेड सोनमा गा.पा, महोत्तरी, बचत तथा ऋण बाहेक त्रिपुरेश्वर कृषि सहकारी संस्था लिमिटेड जितपुर सिमरा, बारा र महिला तर्फ सिमरा महिला बचत तथा ऋण सहकारी संस्था लिमिटेड जितपुर सिमरा, बारालाई सम्मान गरेको छ ।

बागमती प्रदेश तर्फको बचत तथा ऋण तर्फ हातेमालो बचत तथा ऋण सहकारी संस्था लिमिटेड हेटौँडा–२, मकवानपुर, बचत तथा ऋण बाहेक बाँसडोल सामुदायिक बहुउद्देश्यीय सहकारी संस्था लिमिटेड बनेपा–१२, काभ्रे र महिला तर्फ सहायता सामाजिक उद्यमी महिला सहकारी संस्था लिमिटेड विदुर–७, नुवाकोटलाई सम्मान गरेको छ ।

गण्डकी प्रदेशको बचत तथा ऋण तर्फ गौरीशङ्कर बचत तथा ऋण सहकारी संस्था लिमिटेड हुप्सेकोट, बचत तथा ऋण बाहेक आदिवासी जनजाति उत्थान सूचना तथा सञ्चार सहकारी संस्था लिमिटेड कावासोती र महिला तर्फ भैरव कालिका महिला बचत तथा ऋण सहकारी संस्था लिमिटेड पुतली बजार–५, स्याङ्जालाई सम्मान गरेको छ ।

लुम्बिनी प्रदेशको बचत तथा ऋण तर्फ अङ्कुर बचत तथा ऋण सहकारी संस्था लिमिटेड सिद्धार्थनगर–१२, रुपन्देही, बचत तथा ऋण बाहेक मैत्री बहुउद्देश्यीय सहकारी संस्था लिमिटेड तम्घास, गुल्मी र महिला तर्फ सुनौलो महिला विकास बहुउश्यीय सहकारी संस्था लिमिटेड गुलरिया न.पा–६, लाई सम्मान गरेको छ ।

कर्णाली प्रदेशको बचत तथा ऋण तर्फ जनहितकारी बचत तथा ऋण सहकारी संस्था लिमिटेड वीरेन्द्रनगर–४, सुर्खेत, बचत तथा ऋण बाहेक किसान बहुउद्देश्यीय सहकारी संस्था लिमिटेड वीरेन्द्रनगर–९, सुर्खेत र महिला तर्फ लाटिकोइली सामाजिक उद्यमी महिला सहकारी संस्था लिमिटेड गुलरिया न.पा–६, लाई सम्मान गरेको छ ।

त्यसै गरी सुदूरपश्चिम प्रदेशको बचत तथा ऋण तर्फ मेगा बचत तथा ऋण सहकारी संस्था लिमिटेड भीमदत्त, कञ्चनपुर, बचत तथा ऋण बाहेक लक्ष्मीनारायण बहुउद्देश्यीय सहकारी संस्था लिमिटेड टिकापुर, कैलाली र महिला तर्फ जगन्नाथ महिला सहकारी संस्था लिमिटेड भीमदत्त, कञ्चनपुरलाई सम्मान गरेको छ ।