११औं वार्षिक साधारण सभा सम्बन्धी एकीकृत फ्रेडसिप सहकारीको सूचना

दोलखाको जिरी नगरपालिका-५, जिरीमा मुख्य कार्यालय रहेको एकीकृत फ्रेडसिप बचत तथा ऋण सहकारी संस्थाले एकाईगत रुपमा ११औं वार्षिक साधारण सभा गर्ने भएको छ ।

असोज २३ गते बिहीबार एकाई १, असोज २५ गते एकाई २ र असोज २९ गते बुधबार साधारण सभा हुने संस्थाले जनाएको छ । त्यस्तै निर्णय प्रमाणित सभा कात्तिक १ गते संस्थाको मुख्य कार्यालयको सभा हलमा हुने संस्थाले जनाएको छ ।

साधारण सभामा विभिन्न १७ वटा एजेण्डा उपर छलफल भई पारित गर्ने कार्यतालिका छ । राष्ट्रिय सहकारी नियमन प्राधिकरणको साधारण सभा सम्बन्धी निर्देशनको पालना गर्दै सभा सम्पन्न गर्ने संस्थाले जनाएको छ ।

सहकारी प्राधिकरणको नियामकीय मापदण्ड र सहकारी विभागले जारी गरेका निर्देशनको पूर्ण पालना गर्दै सरकारी कोषबाट सेवा सुविधा लिइरहेका लेखा सुपरीवेक्षण समितिका संयोजक १ र सदस्य १ जनाले पदबाट राजिनामा दिएकाले सभामा निर्वाचन प्रक्रियामार्फत रिक्त रहेका पदहरू पूर्ति गर्न लागेको संस्थाले जानकारी दिएको छ ।