सहकारी एकीकरणपछि कर्मचारीलाई हुने ५ फाइदा

एकीकरण शब्दले कहिलेकाँही कर्मचारी त्रसित हुन सक्छन् । दुई संस्था एक भएपछि आफ्ना भविष्य के होला भनेर उनीहरु चिन्तित हुन पनि सक्छन् । तर, वास्तवमा एकीकरणपछि सहकारीका सदस्य र कर्मचारी दुबैलाई लाभ हुन्छ । विज्ञ ग्लेन क्रिस्टेन्सेनकको विचारमा एकीकरणपछि कर्मचारीलाई निम्न पाँच फाइदा पुग्छ । यी फाइदाको विषयमा कर्मचारीलाई बुझाउन सकिएको खण्डमा एकीकरणमा उनीहरुको समेत सकारात्मक भूमिका प्राप्त गर्न सकिन्छ ।

अवसरहरुमा बृद्धि

दुई वा सोभन्दा बढि सहकारी संस्थाहरु एक ठूलो समुहमामा एकीकरण हुने सामान्यतया मज हो । सानो संस्थामा रहेका कर्मचारीहरुका लागि सिमित अवसर मात्र प्राप्त हुन्छ । तर एकीकरणपछि उनीहरुको अवसरको सम्भावनाका ढोकाहरु खुल्छन् । उच्च तहको प्रशिक्षण लिन पाउँछन् । स्वच्छ प्रतिस्पर्धाका लागि आफ्नो प्रतिभा देखाउने अवसर प्राप्त हुन्छ ।

तलब बृद्धि

कर्मचारी प्रभावित हुने मुख्य कारण नै तलब हो । त्यसैले कर्मचारीको लाभका प्याकेज प्राप्त हुन सक्छ । सामाजिक सुरक्षा प्राप्त हुन्छ । स सानो संस्थाले कर्मचारीको सेवा सुविधामा ठूलो रकम खर्च गर्न सक्ने अवस्था हुँदैन तर ठूलो संस्था भएपछि कर्मचारीका लागि विशेष व्यवस्थाहरु उपलब्ध हुने अवस्था सिर्जना हुन्छ ।

प्रभावकारी भौगोलिक क्षेत्र

धेरै साना सहकारीका लागि क्षेत्रअधिकार सिमित घेरामा रहेको हुन्छ । तर एकीकरणपछि उनीहरुको पद चिन्हमा बृद्धि हुन्छ । भौगोलिक क्षेत्र बृद्धि हुन्छ । जसले थु्रपै लाभ उपलब्ध गराउन सकिन्छ । सदस्य बृद्धि गर्न सकिन्छ । विविधताको क्षेत्रबाट बचत तथा लगानी गर्न सकिन्छ ।

शिक्षा र तालिम

निरन्तर शिक्षा तथा तालिम उपलब्ध गराउन सकिने अवस्था सिर्जना हुन्छ । नयाँ नयाँ प्रविधिको प्रयोगमा संस्थाले पहुँच विस्तार गर्न सक्छ । त्यसका लागि निरन्तर शिक्षा र तालिम कर्मचारीले प्राप्त गर्न सक्छन् । उनीहरु सिर्जनशिल भएर अगाडि बढ्न सक्छन् । नयाँ नयाँ विषय र प्रविधिको विषयमा ज्ञान प्राप्त गन सक्छन् । यसले आफ्नो करियर निर्माणमा महत्वपूर्ण भूमिका निर्वाह गर्ने छ ।

अझ धेरै लाभ

यो कुनै गोप्य कुरा होइन कि ठूलो संस्थासँग सानो संस्थाका तुलनामा लविङ तथा बाग्रेनिङ पावर बढि हुन्छ । एकीकरणपछि राम्रो कभरेज र महत्वपूर्ण उपलब्धी हासिल हुन्छ । व्यवसायीकता बृद्धि हुन्छ । संगठित संस्कारको विकास हुन्छ । त्यसैले एकीकरण संचालक समिति, कर्मचारी र सदस्य सबैको हितमा छ ।