सहकारी महासंघका अध्यक्षलाई प्रश्नः कर्जा सुचना केन्द्र कहिले आउँछ ?

सहकारी संस्थाबाट ऋण लिने अनि नतिर्ने गरेको उदाहरण धेरै छन् । कर्जा सुचना केन्द्र नहुँदा यस्तो समस्या देखिएको छ । सहकारीमा कर्जा सुचना केन्द्र कहिले आउँछ ?

कर्जा सुचना केन्द्रको बारेमा सहकारी नियमावलीले ब्याख्या गरेको छ । कर्जा सुचना केन्द्र विशिष्टिकृत संघ बनाएर गठन गर्न सक्ने व्यवस्था छ । नियमावलीको आधारमा राष्ट्रिय सहकारी महासंघले छलफल गरेको छ । सहकारी मन्त्रालय, विभाग, विकास बोर्ड र महासंघका प्रतिनिधि बीच २÷३ पटक नै छलफल भैसकेको छ ।

संघ गठनको लागि विनियमावली पनि तयार गरीसकेका छौं । सरकारको पनि सहभागीतामा सुचना केन्द्र स्थापना गर्ने तयारीमा छौं । यसको तयारी भई रहेको छ । गठन पश्चात ऋण नतिर्ने सहकारीका सदस्य कालोसुचिमा राख्न सक्ने व्यवस्था हुन्छ । सम्बन्धीत सहकारी संस्थाको सिफारिसमा सुचना केन्द्रले कालोसुचिमा राख्न सकिने र हटाउन पनि सकिन्छ । स्थापनाको लागि महासंघको पहलमा काम भईरहेको छ ।

कहिलेसम्म कर्जा सुचना केन्द्र स्थापना होला ?

कम्तिमा २५ वटा संघ/संस्था मिलेर संघ गठन गर्न सकिने व्यवस्था छ । यसमा वित्तीय कारोबार गर्ने सबै सहकारी आवद्ध हुनुपर्दछ । दर्ता हुँदा २५ वटा भएपनि पछि बढ्दै जान्छ । प्रकृयामा अघि बढीसकेको छ । सकेसम्म छिट्टै संघ गठन हुनेछ र सोही संघले कर्जा सुचना केन्द्र सञ्चालन गर्दछ ।