रामकोट सहकारीको नवौं साधारणसभा सम्पन्न, खुद नाफा मात्रै साढे १० लाख

धादिङ, २७ कात्तिक

नीलकण्ठ नगरपालिका–८ स्थित रामकोट बचत तथा ऋण सहकारी संस्थाले आर्थिक वर्ष २०७४÷०७५ मा १० लाख ८४ हजार ५ सय २७ रुपैया खुद नाफा आर्जन गरेको छ । सहकारीको नवौं वार्षिक साधारण सभामा दिइएको जानकारी अनुसार सहकारीले गत आर्थिक वर्ष २०७४÷०७५ मा ६१ लाख ९५ हजार २ सय १६ रुपैयाँ आम्दानी गर्न सफल भएको थियो ।

स्थानीय स्तरमा केही युवाहरु मिलेर २०६६ सालमा सुरु गरेको सहकारीमा हाल ६ सय १८ जना महिला र ४ सय ४१ जना पुरुष गरी १ हजार ५९ जना सदस्य रहेका छन् । त्यस्तै ४ सय ९९ जना बाल बचतकर्ता रहेका छन् ।

सहकारीको कुल पुँजी ४ करोड २७ लाख ९४ हजार ९ सय ५८ रहेको छ भने चालु आर्थिक वर्षमा पुँजी बढाएर ६ करोड पु¥याउने लक्ष्य राखेको सचिव राजकुमार श्रेष्ठले जानकारी दिए ।

५२ लाख ७३ हजार १ सय शेयर पुँजी रहेको सहकारीले गएको आर्थिक वर्षसम्ममा ३ करोड ५१ लाख ६४ हजार ६ सय ५७ रुपैया बचत संकलन गरेको छ भने ३ करोड ४८ लाख ९० हजार ९ सय ६६ रुपैया ऋण लगानी गरेको छ ।

सहकारीको जगेडा कोषमा ९ लाख ८ हजार ७ स ८४ रुपैया, कर्जा जोखिम कोषमा ९ लाख ३४ हजार ९ सय ७९ रुपैया, सदस्य राहत कोषमा ९७ हजार ९ सय रुपैयाँ र अन्य कोषमा ९ लाख १९ हजार ४ सय ८८ रुपैयाँ रहेको छ ।

सहकारीको सिद्धान्त, मुल्य र मान्यतामा आधारित रही शेयर, बचत र ऋण लगानीको कार्यहरु गरीरहेको सहकारीले १४ प्रकारका बचत सेवा र ५ वटा शीर्षकमा ऋण लगानी गर्ने गरेको छ । सहकारीले शेयर सदस्यहरु तथा अन्य सेवाग्राहीहरुलाइ इ–सेवा मार्फत पनि विभिन्न सेवा सुविधाहरु प्रदान गर्दै सहकारीका अध्यक्ष हेमराज श्रेष्ठले बताए ।

सहकारीले शेयर सदस्यलाइ सुत्केरी भएको बेला मातृशिशु स्याहार खर्च स्वरुप सहयोग गर्दै आएको छ भने शेयर सदस्यहरुको आकस्मिक उपचारको लागि लागि ब्याज र सेवा शुल्क नलिइ एक महिनासम्मको ऋण सेवा पनि दिँदै आएको छ ।

सहकारीले नियमित ब्याज तिर्ने ऋणीहरुलाइ ब्याजमा छुट दिँदै आएको छ भने असल ऋणीहरुलाइ साधारण सभा तथा अधिवेशनको दिनमा पुरस्कृत गर्दै पनि आएको छ ।