बर्दिया । ठाकुरबाबार नगरपालिका स्थित सिको बचत तथा ऋण सहकारी संस्थाले आज (मंगलबार)बाट ‘मोबाइल बैंकिङ’ सेवा सुरु गरेको छ ।
सदस्यहरूलाई प्रविधिमा आधारित सेवा पु¥याउने उद्देश्यले मोबाइल बैंकिङ सञ्चालनमा ल्याइएको संस्थाका अध्यक्ष दामोदर अधिकारीले जानकारी दिए ।
मोबाइल बैंकिङ सेवामार्फत सदस्यहरूले खातामा रकम भुक्तानी तथा स्थानतरण, मोबाइल रिचार्ज, विद्युत् खानेपानीलगायतका बिल पेमेन्ट, ऋण भुक्तानी रिपोर्ट, डिस होम रिर्चाज, ल्याण्ड लाईन फोन विल भुक्तानी सेवा उपभोग गर्न पाउँछन् ।
त्यस्तै रकम जम्मा गरिएको तथा भुक्तानी गरिएको जानकारी, ऋणको किस्ता सम्बन्धी जानकारी र आवधिक बचतको अवधि सम्बन्धी जानकारी समेत पाउन सकिने अध्यक्ष अधिकारीले जानकारी दिए ।
प्रकाशित मिति : २०७५ साउन २९ मंगलबार