२० मंसिर २०७८, सोमबार

शिवश्री बहुउद्देश्यीय सहकारीको ५औं साधारण सभा सम्पन्न

२२ आश्विन २०७८, शुक्रबार
शिवश्री बहुउद्देश्यीय सहकारीको ५औं साधारण सभा सम्पन्न

काठमाडौं : अनामनगर स्थित शिवश्री बहुउद्देश्यीय सहकारी संस्थाको ५ औं वार्षिक साधारण सभा शुक्रबार सम्पन्न भएकाे छ ।

संस्थाका अध्यक्ष भीमप्रसाद तिमिल्सिनाकाे सभापतित्वमा सम्पन्न साधारण सभाले विभिन्न प्रतिवेदन उपर छलफल गरि सम्पन्न गरेकाे हाे । सभाले पुन: भीमप्रसाद तिमिल्सिनालाई अध्यक्षमा निर्विरोध चयन गरेकाे छ ।

सभामा सञ्चालक समितिकाे तर्फबाट प्रतिवेदन प्रस्तुत गर्नुहुँदै अध्यक्ष तिमिल्सिनाले सहकारी मूल्य, मान्यता र सिद्धान्तहरुकाे अनुसरण गर्दै सदस्यलाई सेवा प्रवाह गर्दै आएकाे बताउनुभयो ।

एक संस्था एक सदस्य नीतिलाई आत्मसाथ गर्दै आएकाे संस्थामा हाल ३ सय ५ जना सेयर सदस्य रहेका छन् । आर्थिक वर्ष २०७७/७८ काे असार मसान्तसम्ममा संस्थाकाे सेयर पुँजी ४ कराेड ८६ लाख ९४ हजार ४ सय रहेकाे छ ।

संस्थाले यस अवधिमा २७ कराेड ८६ लाख ९८ हजार बचत संकलन गरि २५ कराेड ५३ लाख ४८ हजार लगानी गर्न सफल भएकाे छ । ९० लाख २ हजार खुद नाफा गरि ९ लाख २ सय रुपैयाँ राजश्वमा याेगदान गरेकाे छ ।

सभामा संस्थाका प्रमुख कार्यकारी अधिकृत बाेधन कुमार थापाले समाजमा छरिएर रहेका सानाे सानाे पुँजीलाई संकलन गरि उत्पादनमूलक र व्यवसायिक क्षेत्रमा समुचित तरिकाले परिचालन गर्न हरसम्भव प्रयास गरिरहेकाे बताउनुभयो । चालू आर्थिक वर्षमा संस्थाकाे सेयर पुँजी ५ कराेड र कुल वासलात ४३ कराेड ६६ लाख ९५ हजार २ सय २७ पुर्याउने लक्ष्यका साथ संस्था अघि बढेकाे बताउनुभयो ।

अभिलेख

लोकप्रिय