सामुदायिक साकोसका कर्मचारीलाई ऋण व्यवस्थापन तालिम

काभ्रे : सामुदायिक बचत तथा ऋण सहकारी संस्थाले आफ्ना कर्मचारीहरुलाई १ दिने ऋण व्यवस्थापन तालिम प्रदान गरेको छ ।

संस्थाको मुख्य कार्यालयसहित १४ सेवा केन्दमा कार्यरत ऋण सहायक तथा सेवाकेन्द्र प्रमुखहरु गरी २८ जना कर्मचारी सहभागिता रहेको थियो ।

तालिमको सहजिकरण संस्थाका प्रमुख कार्यकारी अधिकृत मदन बस्नेतले गरेका थिए । तालिम कार्यक्रमको समापनमा संस्थाका अध्यक्ष प्रकाश बन्जाराले सहभागिहरुलाई प्रमाणपत्र वितरण गर्दै सिकेका ज्ञान र सिप कार्य क्षेत्रमा प्रयोग गर्दा मात्र तालिमको सार्थकता हुने बताए ।

२०५१ सालमा ४१ जना सदस्य र ३ लाख २ हजार ५ सय पूँजीबाट सुरु भएको सामुदायिक साकोस फागुन मसान्त सम्म आईपुग्दा ५० हजार ३ सय ८३ जना सदस्य र ४ अर्व ३३ करोड पूँजी पु¥याउन सफल भएको छ । सन्तुष्ट सदस्यनै आफ्नो लक्ष्य राखेको सामुदायिक सकोसले सदस्यहरुलाई जन्मदेखि मृत्यु सम्मका सेवा प्रदान गर्दै आएको छ।

संस्थाको काभ्रेमा मुख्य कार्यालय सहित १२ वटा सेवा केन्द्र र काठमामा २ वटा सेवाकेन्द्र गरी जम्मा १५ वटा कार्यालय मार्फत सेवा प्रदान गरिरहेको जानकारी संस्थाका ऋण अधिकृत भक्त बहादुर श्रेष्ठले जानकारी दिए।