१८ मंसिर २०७७, बिहीबार

सहकारी एकीकरण अभियानलाई तीब्रता दिँदै हाम्रो मध्यवर्ती

२३ असार २०७७, मंगलवार
सहकारी एकीकरण अभियानलाई तीब्रता दिँदै हाम्रो मध्यवर्ती

बर्दिया, २३ असार

बर्दिया ठाकुरबाबा नगरापालिका, भुरिगाउँ स्थित हाम्रो मध्यवर्ती बचत तथा ऋण सहकारी संस्था र राधाकृष्ण बचत तथा ऋण सहकारी बिच सोमबार एकिकरण घोषणा भएको छ । बर्दियाको ठाकुरबाबा नगरपालिका, भुरिगाउँ बजारमा रहेको हाम्रो मध्यवर्ती बचत तथा ऋण सहकारी संस्थाले पछिल्लो समय नगरमा सहकारी एकीकरणको अभियानलाई व्यापक बनाउँदै गएको हो ।

नगरमा रहेका सहकारीमा दोहोरो सदस्यताको अन्त्य गरी सहकारीमा छरिएर रहेको पूँजीलाई एकत्रित गर्दै एक सक्षम र सवल सहकारी स्थापना गरी सदस्यलाई सर्वसुलभ सेवा प्रदान गर्ने उद्देश्यका साथ हाम्रो मध्यवर्ती सहकारीले नगरमा एकिकरण अभियानलाई तिब्रता दिएको हो ।

एकिकरण अभियान जुटेको हाम्रो मध्यवर्ती सहकारीले हालसम्म ८ वटा सहकारी संस्थालाई एकिकरण गर्न सफल भएको छ । छोटो समयमा धेरै सहकारी संस्था एकिकरण गर्न सफल यो सहकारी जिल्लाकै पहिलो हो । नगरमा स्थापना भई बचत तथा ऋणको काम गर्ने एकल उद्देश्य बोकेका सहकारीहरुलाई हाम्रो मध्यवर्ती बचत तथा ऋण सहकारीले एकिकरण गर्दै आएको छ ।

सुरुमा नेउलापुर मध्यवर्ती बचत तथा ऋण सहकारीको नामबाट सञ्चालन भएको सहकरीले २०७४सालदेखि एकिकरण अभियान चलाएको थियो । पहिलो चरणमा प्रयत्न बचत तथा ऋण सहकारी, श्रीकृष्ण सहकारी र जनचेतना सहकारी एकिकरण गरि हाम्रो मध्यवर्ती बचत तथा ऋण सहकारी नामाकरण गरिएको थियो ।
दोस्रो चरणमा जागृती महिला बचत, कर्णाली बचत र जलेश्वर सहकारीलाई एकिकरण गरियो । पछिल्लो समय हाम्रो मध्यवर्ती बचत तथा ऋण सहकारी र राधाकृष्ण बचत तथा ऋण सहकारी बिच पनि एकिकरण भएको छ ।
यस्तै सोमबार भएको एकिकरण घोषणा सभामा प्रतिनिधी सभा सदस्य तथा पूर्व सिँचाइ मन्त्री सञ्जय गौतमले राधाकृष्ण बचत तथा ऋण सहकारी र हाम्रो मध्यवर्ती बचत तथा ऋण सहकारी संस्था एकिकरण भएको औपचारिक घोषण गर्नुभयो । एकिकरणसँगै सहकारीको नाम परिवर्तन भई हाम्रो मध्यवर्ती राधाकृष्ण बचत तथा ऋण सहकारी संस्था लि.नामाकरण भएको छ ।

एकिकरणसँगै सहकारीको कारोवार र शेयर सदस्यको संख्यामा पनि उल्लेख्य वृद्धि भएको सहकारीले जनाएको छ । ८ वटा सहकारी संस्था एकिरकण भई बनेको हाम्रो मध्यवर्ती राधाकृष्ण बचत तथा ऋण सहकारीले हाल ३० करोड २५ लाख रुपैँया बराबारको कारोवार गरिरहेको सहकारीका प्रबन्धक गणेश बहादुर थापाले जानकारी दिनुभयो ।

प्रबन्धक थापाका अनुसार एकिकरण पश्चात संस्थामा शेयर सदस्यको संख्या ७ हजार भन्दा बढी रहेको छ । सहकारीको शेयर पूँजी ३ करोड ५० लाख पुगेको छ भने हालसम्म सहकारीले २१ करोड ५० लाख बचत संकलन गरेको छ । सहकारीका विभिन्न कोषमा १ करोड २५ लाख रुपैँया रहेको प्रबन्धक थापाले बताउनुभयो ।

सहकारीले १७ प्रकारका बचत सुविधा, १४ प्रकारका ऋण सुविधा दिँदै आएको यो सहकारीले ३६५ दिन नै सदस्यलाई सेवा प्रदान गर्ने गरेको छ । ठाकुरबाबा नगरपालिका १ भुरिगाउँबजारमा मुख्य कार्यालय रहेको यो सहकारीले आफना शेयर सदस्यहरुलाई ६ वटा सेवा केन्द्र, २ वटा बचत संकलन केन्द्र र केन्द्रिय कार्यालय मार्फत सदस्यलाई सेवा दिँदै आइरहको सहकारीका अध्यक्ष नवराज न्यौपानेले बताउनुभयो ।

अभिलेख

लोकप्रिय