१७ श्रावण २०७८, आईतवार

महामञ्जुश्री आवास सहकारी संघ दर्ता, अध्यक्षमा दीपक प्रकाश बाँस्कोटा

५ श्रावण २०७८, मंगलवार
महामञ्जुश्री आवास सहकारी संघ दर्ता, अध्यक्षमा दीपक प्रकाश बाँस्कोटा

काठमाडौं : नेपालमा दोस्रो आवास विशिष्टिकृत सहकारी संघ दर्ता भएको छ । सहकारी विभागले असार ३१ गते महामञ्जुश्री आवास विशिष्टिकृत सहकारी संघ दर्ता गरेको हो ।

संघको तदर्थ समितिको अध्यक्षमा दीपक प्रकाश बाँस्कोटा रहनुभएको छ । उहाँ प्रतिभावान बचत तथा ऋण सहकारी संस्थाको प्रतिनिधित्व गर्दै अध्यक्ष बन्नुभएको हो ।

यस अधि राष्ट्रिय समृद्ध आवास विशिष्टिकृत सहकारी संघ दर्ता भएको थियो । यस संघले प्रारम्भिक साधारणसभा समेत सम्पन्न गरिसकेको छ ।

संघले आवासिय तथा व्यापारिक हिसाबले घरेडी विकास गर्ने, भवन निर्माण गर्न जग्गा खरिद गर्ने उद्देश्य राखेको छ । त्यस्तै न्युन लागतमा सहकारी आवास योजनाहरु सञ्चालन गरी सुरक्षित, व्यवस्थित, किस्ताबन्दी सुविधा सहित सदस्यहरुलाई प्रदान गर्ने रहेको छ ।

संघको उपाध्यक्षमा मुकुन्दप्रसाद दाहाल (आर्दश एकता साकोस), महासचिवमा ऋषिराम घिमिरे (जानकी साकोस), सचिवमा राधेश्याम सुवाल (बाराही साकोस) र कोषाध्यक्षमा कुमार तिमल्सेना ( शिक्षक विकास साकोस) रहनुभएको छ ।

त्यस्तै सदस्यहरुमा कृष्णभक्त थापा (सेन्सीयर साकोस), रमेश कुमार चौलागाईं (गन्तव्य साकास), अमन पोटे श्रेष्ठ (बनेपा साकोस), भिमसेन श्रेष्ठ (चमेरो साकोस), देवकुमारी पौडेल (मधुवन साकोस) र केशवप्रसाद दाहाल (प्रभु साकोस) रहनुभएको छ ।

अभिलेख

लोकप्रिय