सहकारी छानविन विशेष समितिको सदस्यमा दिलेन्द्रप्रसाद बडू

काठमाडौं : सहकारी संस्था बचत रकम दुरुपयोग सम्बन्धमा संसदीय छानबिन विशेष समितिको सदस्यमा नेपाली कांग्रेसले दिलेन्द्रप्रसाद बडूलाई पठाएको छ।

समितिका सदस्य बद्रीप्रसाद पाण्डे पर्यटन मन्त्री भएपछि रिक्त ठाउँमा कांग्रेसले बडूलाई पठाइएको हो।

गत जेठ १५ गते प्रतिनिधि सभाले सहकारी बचत ठगीबारे छानबिन गर्न संसदीय समिति गठन गर्ने निर्णय गरेको थियो। नेकपा एमालेका सांसद सूर्य थापाको सभापतित्वमा सात सदस्यीय समिति गठन भएको थियो।

यो समितिले २९ सहकारीबारे छानबिन गर्दैछ।