१३ बैशाख २०८१, बिहीबार

सदस्य सेवा सहकारीले सुरु गर्यो ‘इस्ट्यान्ट क्यास सेवा’

१७ माघ २०८०, बुधबार
सदस्य सेवा सहकारीले सुरु गर्यो ‘इस्ट्यान्ट क्यास सेवा’

काठमाडौं : कोटेश्वर स्थित सदस्य सेवा बचत तथा ऋण सहकारी संस्थाले ‘इस्ट्यान्ट क्यास सेवा’ सुरु गरेको छ । संस्थाले मोबाइल बैंकिङ तथा भुक्तानी प्लेटर्फम कम्पनी ‘एम बैंक’सँग सहकार्य गरी यो सेवा मंगलबारबाट सुरु गरेको हो ।

यस सेवा अन्तर्गत जुनसुकै मोबाईल बैकिङ एप प्रयोग गरी संस्थाबाट तुरुन्त नगद निकाल्न सकिने छ । बैंक तथा वित्तीय संस्था, विभिन्न वालेट र सहकारीहरुको मोबाइल बैकिङमा रहेको पैसा सदस्य सेवा सहकारीबाट नगद निकाल्न सकिने एम बैंकका संस्थापक सञ्चालक तथा मुख्य व्यवसाय प्रमुख संजय महासेठले जानकारी दिए ।

‘हाम्रो संस्थाको टेलरमा एउटा फोनपेको क्युआर राखिएको हुन्छ । उक्त क्युआरमा जुनसुकै मोबाईल बैकिङबाट रकम ट्रान्सफर गरिसकेपछि हामीले तुरन्त नगद उपलब्ध गराउछौं’, सदस्य सेवा सहकारीका अध्यक्ष सित्तल प्रसाद शर्माले भने, ‘यो सेवा सहकारीको लागि नयाँ हो । यो सेवाले सहकारीमा आवद्ध सदस्यहरुको विश्वास जित्ने हामीले अपेक्षा गरेका छौं ।´

यो सेवा प्रयोग गर्दा सहकारीले कुनै पनि शुल्क नलिने समेत उनले बताए ।

अभिलेख

लोकप्रिय