१३ बैशाख २०८१, बिहीबार

सहकारी स्वास्थ्य संस्थालाई पनि बिमामा आबद्ध हुने बाटो खुला

३ माघ २०८०, बुधबार
सहकारी स्वास्थ्य संस्थालाई पनि बिमामा आबद्ध हुने बाटो खुला

काठमाडौं : स्वास्थ्य बीमा बाेर्डले सहकारीले सञ्चालन गरेको स्वास्थ्य संस्थाहरूलाई पनि बिमामा आबद्ध हुन बाटो खोलिदिएको छ ।

बोर्डले यही पुस ८ गतेदेखि लागु हुने गरी निजी, सामुदायिक तथा सहकारी संस्थाहरूले दिएको आवेदनका आधारमा उनीहरूलाई पनि बिमामा आबद्ध हुन सक्ने गरी सहमति दिने  निर्णय  भएको बिमा बोर्डले जनाएको हो । तर, सरकारी संस्थाहरूमा सेवा उपलब्ध नभएमा मात्र बिमितहरुले निजी, सामुदायिक तथा सहकारी संस्थाहरूमा सेवा लिन पाउनेछन् ।

यसैगरी बोर्डले हाल कायम प्याकेजको व्यवस्थालाई हटाइ ओपीडी टिकटको ५० र इमर्जेन्सी टिकटको २ सय रुपैयाँ तोकिएको छ । यसअघि प्याकेजमा ओपीडी टिकटको २ सय र इमर्जेन्सीको ४ सय पर्ने गर्थ्यो ।

यसबाहेक नेपाल नेत्र ज्योति संघद्वारा सञ्चालित अस्पतालमा समेत बिमा लागू गर्न स्वीकृति दिने निर्णय बोर्डले गरेको छ । त्यसबाहेक सम्पूर्ण सरकारी संस्थाहरूमा बिमा लागु गर्ने निर्णय भएको समेत बोर्डले जनाएको छ ।

अभिलेख

लोकप्रिय