१३ बैशाख २०८१, बिहीबार

राष्ट्रिय सहकारी महासंघ निर्वाचन: ओमदेवी अध्यक्ष बन्ने लगभग निश्चित

२६ पुष २०८०, बिहीबार
राष्ट्रिय सहकारी महासंघ निर्वाचन: ओमदेवी अध्यक्ष बन्ने लगभग निश्चित

काठमाडौं : राष्ट्रिय सहकारी महासंघको अध्यक्ष ओमदेवी मल्ल बन्ने लगभग निश्चित भएको छ । २८ गते हुने निर्वाचनको लागि मल्लको मात्रै उम्मेदवारी पर्ने सम्भावना बढेर गएको छ । मल्ल हाल वरिष्ठ उपाध्यक्ष छिन् ।

नेकपा एमाले निकट मल्ल यतिवेला एमालेबाट निकट पाउनको लागि अन्तिम कसरत गरिरहेकी छिन् । अध्यक्षमा वर्तमान अध्यक्ष मिनराज कडेल पनि टिकटको दौडमा छन् ।

पार्टीले मल्ललाई ‘ग्रिन सिग्लन’ दिएको स्रोत बताउँछ । वर्तमान माहोल मल्लको पक्षमा रहेको, नेपाली कांग्रेस, माओवादी केन्द्रको पनि समर्थन मल्ललाई नै रहने एमालेले थाहा पाएपछि मल्ललाई ‘ग्रिन सिग्लन’ दिएको स्रोत बताउँछ । तर, पार्टीले आधिकारीक रुपमा पनि निर्णय लिईसकेको छैन ।

एमालेको सहकारी विभागमा रहेका अधिकांश सहकारीकर्मी ओमदेवीकै पक्षमा उभिएका छन् । जसकारण पनि विभागलाई दबाब बढेको छ ।

अभिलेख

लोकप्रिय