१८ मंसिर २०७७, बिहीबार

दोहोरो सञ्चालक बन्न नपाउने ब्यवस्था खारेज गर्न माग गर्दै सर्वोच्चमा कास्कूनको रिट

५ कार्तिक २०७७, बुधबार
दोहोरो सञ्चालक बन्न नपाउने ब्यवस्था खारेज गर्न माग गर्दै सर्वोच्चमा कास्कूनको रिट

काठमाडौं, ५ कात्तिक

एउटा सहकारीको संचालक समितिमा बहाल रहेको व्यक्ति सोही समयमा अर्को सहकारीमा संचालक बन्न नपाउने कानुनी व्यवस्था खारेजी गर्न माग गर्दै काठमाडौं जिल्ला बचत तथा ऋण सहकारी संघ लिमिटेड (कास्कून)ले सर्वोच्च अदालतमा रिट निवेदन दायर गरेको छ ।

बागमती प्रदेश सहकारी ऐन, २०७६ मा भएको व्यवस्था खारेज गर्न माग गर्दै संघले असोज २९ गते रिट दायर गरेको हो । सर्वोच्चले कात्तिक २६ गते संवैधानिक इजलासमा पेसी तोकेको छ ।

अभियानका अन्य प्रतिनिधिमूलक संघहरुको समेत सहमतिमा कास्कूनको संचालक समितिको निर्णय अनुसार रिट दायर भएको हो ।

बागमती प्रदेश सहकारी ऐन, २०७६ को दफा ३७ को उपदफा ५ ले ‘कुनै व्यक्ति एकै समयमा एकमात्र सहकारी संस्थाको सञ्चालक हुन सक्ने’ व्यवस्था गरेको छ ।

सोही दफाको उपदफा ६ मा ‘ऐन प्रारम्भ हुनअघि कुनै व्यक्ति एकभन्दा बढी सहकारी संस्थाको सञ्चालक‘भएकोमा यो ऐन प्रारम्भ भएको मितिले एक वर्षभित्र कुनै एक सहकारी संस्थाको मात्र सञ्चालक रहनु पर्ने’ उल्लेख छ ।

अभिलेख

लोकप्रिय