१८ मंसिर २०७७, बिहीबार

गरिबी र बेरोजगारी समस्या समाधानमा सहकारीले भूमिका निर्वाह गर्नुपर्छ : मन्त्री अर्याल

२९ आश्विन २०७७, बिहीबार
गरिबी र बेरोजगारी समस्या समाधानमा सहकारीले भूमिका निर्वाह गर्नुपर्छ : मन्त्री अर्याल

काठमाडौं, २९ असोज

नेपालको बचत तथा ऋण सहकारी अभियानले गरिबी र बेरोजगारी समस्या समाधानमा थप जिम्मेवारीपूर्ण भूमिका निर्वाह गर्नुपर्ने भूमि व्यवस्था, सहकारी तथा गरिबी निवारण मन्त्री पद्माकुमारी अर्यालले बताउनु भएको छ ।

७२ औं अन्तर्राष्ट्रिय क्रेडिट युनियन डे (आइसीयू डे) को अवसरमा शुभकामना व्यक्त गर्नुहुँदै मन्त्री अर्यालले भन्नुभयो, ‘नेपालको वित्तीय सहकारी अभियानलाई राष्ट्रिय संकटको सामनाकालागि अघि बढ्ने प्रेरणा र अवसर प्रदान गर्नेछ ।’

समुदाय र सदस्यहरुमा रोग, भोक, अशिक्षा र वित्तीय संकट समाधानका लागि नेपालको बचत तथा ऋण सहकारी अभियानले यस वर्षको आइसीयू डे को नाराले झै आशा जागृत गराउने विश्वास उहाँले गर्नुभएको छ ।

जर्मन सुधारक एफ डब्लु राइफाइसनले सन् १८४० को दशकमा व्याप्त भोकमरीबाट आक्रान्त गरिब, किसान र वित्तीय पहुँचबाट अलग मुलुकबासीहरुलाई संगठित गरी स्वसहयोग, स्व उत्तरदायित्व र स्वशासनका माध्यमबाट प्रजातान्त्रिक पद्धतिमा आधारित बचत तथा ऋण सहकारी संस्थापनाको बिजारोपण गरेको इतिहास स्मरण समेत उहाँले गर्नुभएको छ ।

 

अभिलेख

लोकप्रिय