२१ फाल्गुन २०८०, सोमबार

नेफ्स्कूनको निर्वाचन कार्यतालिका सार्वजनिक

२२ मंसिर २०८०, शुक्रबार
नेफ्स्कूनको निर्वाचन कार्यतालिका सार्वजनिक

काठमाडौं : नेपाल बचत तथा ऋण केन्द्रीय सहकारी संघ (नेफ्स्कून)ले निर्वाचन सहितको ३२औं वार्षिक साधारण सभाको लागि निर्वाचन कार्यतालिका सार्वजनिक गरेको छ ।

धनबहादुर श्रेष्ठ संयोजक रहेको निर्वाचन उप-समितिले आज कार्यतालिका सार्वजनिक गरेको हो । संघको निर्वाचन निर्देशिका २०७० (संशोधन ७६) को दफा ९ बमोजिम कार्यतालिका सार्वजनिक गरिएको हो ।

नेफ्स्कूनको निर्वाचन सहितको साधारण सभा आगामी पुस ७ गर ८ गते काठमाडौंको कमलादीस्थित प्रज्ञा प्रतिष्ठानमा हुँदैछ । नेफ्स्कूनको निर्वाचन आउन अब १५ दिन मात्रै बाँकी छ ।

कार्यतालिका अनुसार प्रथम पटक मतदाता नामावली प्रकाशन, मतदाता नामावली उपर दाबी विरोध र संशोधन, अन्तिम पटक मतदाता नामावली प्रकाशन, उम्मेदवारको दरखास्त, उम्मेदवारको नामावली प्रकाशन (प्रथम पटक), उम्मेदवार विरुद्ध दाबी विरोध र निर्णय पुष ७ गतेका लागि तोकिएको छ ।

उम्मेदवारी फिर्ता, उम्मेदवारको नामावली प्रकाशन (अन्तिम), मतदान पुष ८ गतेको लागि तोकिएको छ ।

अभिलेख

लोकप्रिय