१२ आश्विन २०७७, सोमबार

राष्ट्रिय सहकारी बैंकको नाफा ६८ करोड माथि, खराब कर्जा ०.७० प्रतिशत

२२ श्रावण २०७७, बिहीबार
राष्ट्रिय सहकारी बैंकको नाफा ६८ करोड माथि, खराब कर्जा ०.७० प्रतिशत

काठमाडौं, २२ साउन । राष्ट्रिय सहकारी बैंकले गत आर्थिक वर्षको असार मसान्तसम्म ६८ करोड १८ लाख ५२ हजार रुपैयाँ नाफा आर्जन गरेको छ ।

बैंकले अघिल्लो आर्थिक वर्षको सोही अवधिमा ४९ करोड ८८ लाख २६ हजार रुपैयाँ नाफा कमाएको थियो । उक्त नाफा अघिल्लो आर्थिक वर्षको सोही अवधिको तुलनामा ३६.६९ प्रतिशतले बढी हो ।

अघिल्लो आवको चौथो त्रैमासमा बैंकको नाफासँगै खुद ब्याज आम्दानी र सञ्चालन मुनाफामा पनि सुधार आएको छ । गत आवमा १ अर्ब १० करोड ७६ लाख ७६ हजार पुगेको खुद व्याज आम्दानी अघिल्लो आवको सोही अवधिमा ९२ करोड २२ लाख ६१ हजार रहेको थियो ।

यस्तै सञ्चालन मुनाफा अघिल्लो आवमा ३३ करोड ८ लाख ७४ हजार रुपैयाँ रहेकोमा चालु आवको सोही अवधिमा ४४ करोड ६३ लाख ८० हजार रुपैयाँ रहेको छ ।

चुक्ता पुँजी २ करोड २२ करोड ३८ लाख ९९ हजार रहेकोे कम्पनीको जगेडा कोषमा १ अर्ब ४ करोड ५० लाख १७ हजार रुपैयाँ रहेको छ ।

बैंकको खराब कर्जा १.३४ प्रतिशतबाट घटेर ०.७० प्रतिशतमा रहेको छ । बैंककाे पुँजीको औसत लागत ६.०७ र कर्जा निक्षेप अनुपात ५४.१४ प्रतिशत रहेको छ ।

अभिलेख

लोकप्रिय