२० मंसिर २०७८, सोमबार

नमस्ते साकोसको १२औं साधारण सभा सम्पन्न, १ अर्ब १६ करोडको संस्था बनाउने लक्ष्य

७ कार्तिक २०७८, आईतवार
नमस्ते साकोसको १२औं साधारण सभा सम्पन्न, १ अर्ब १६ करोडको संस्था बनाउने लक्ष्य

नेपागञ्ज : नमस्ते बचत तथा ऋण सहकारी संस्था, बाँकेको १२ औँ वार्षिक साधारण सभा सम्पन्न भएको छ ।

आ.व.०७७/०७८ को प्रगति समिक्षा तथा चालु आर्थिक वर्ष ०७८/०७९ नीति, कार्यक्रम तथा बजेट तर्जुमा र कार्यान्वयन रणनीतिसहित साधारण सभा सम्पन्न गरेको हो । साधारण सभामा नेफ्स्कूनका महासचिव दामोदर अधिकारीको प्रमुख आतिथ्यता रहेको थियो । महासचिव अधिकारीले नीति र विधिलाई आत्मसात गर्दै सदस्यहरू मैत्री सेवा प्रवाहसँगै साकोस अभियानको महत्वपूर्ण भूमिका निर्वाह गर्न शुभकामना दिनुभयो ।

संस्थाका अध्यक्ष बिष्णु बहादुर रिमालको अध्यक्षतामा सम्पन्न कार्यक्रममा लुम्बिनी प्रदेश सहकारी संघका अध्यक्ष प्रेम सुवेदी र राष्ट्रिय सहकारी बैंकका सञ्चालक बिजया धितालको विशेष आतिथ्यतामा, जिल्ला बचत तथा ऋण सहकारी संघ, बाँकेका सचिव प्रेम शाहको पस्थिति रहेको थियो ।

आ.व ०७७/०७८ मा ९७ करोड १८ लाख २२ हजार २ सय ९४ रुपैयाँ कारोबार गरेको संस्थाले आ.व. ०७८/०७९ मा १ अर्ब १६ करोड ५८ लाख २२ हजार २ सय ९५ रूपैयाँको कारोवार पुर्याउने लक्ष्य लिएको छ ।

संस्थाले कार्तिक ४ गते खजुरा, ५ गते कोहलपुरमा ईकाई स्तरीय वार्षिक साधारण सभा सम्पन्न गर्दै ६ गते निर्णयार्थ १२ औँ वार्षिक साधारण सभा सम्पन्न गरेको हो ‌।

अभिलेख

लोकप्रिय