१८ मंसिर २०७७, बिहीबार

आज क्रेडिट युनियन डे, विश्व समुदायका लागि आशाको प्रेरणा : बचत तथा ऋण सहकारी

२९ आश्विन २०७७, बिहीबार
आज क्रेडिट युनियन डे, विश्व समुदायका लागि आशाको प्रेरणा : बचत तथा ऋण सहकारी

काठमाडौं, २९ असोज

आज अक्टोबर १५ अर्थात् क्रेडिट युनियन डे । हरेक वर्षको अक्टोबर महिनाको तेस्रो बिहीबार क्रेडिट युनियन डे (आइसीयू दिवस) मनाईन्छ । यस वर्षको थिम “विश्व समुदायका लागि आशाको प्रेरणा” रहेको छ । विश्वभरका बचत तथा ऋण सहकारीहरुले विभिन्न कार्यक्रमको आयोजना गरी यो दिवस आज मनाईदै छ ।

विश्व ऋण परिषद्को स्थापना दिवसलाई नै क्रेडिट युनियन डे को रुपमा मनाउँदै आएको छ । ओक्कुको यो ७२ औं स्थापना दिवस हो ।

१९४८ बाट प्रत्येक वर्ष अक्टोबर महिनाको तेस्रो बिहीबार क्रेडिट युनियन डे मनाउन थालिएको हो । कोभिड १९को महामारीको समयमा क्रेडिट युनियन विश्व समुदायका लागि उत्प्रेरक हुन सक्ने यो थिमको अर्थ रहेको छ । हरेक वर्ष विश्व ऋण परिषद् (ओक्कु) यो थिम तय गर्दछ ।

क्रेडिट युनियन अथवा बचत तथा ऋण सहकारीहरुले आर्थिक समावेशी र विश्वका मानिसलाई भविष्यप्रति आशा जगाउने काम गरेका ओक्कुले जनाएको छ । कोभिड १९ को महामारीको यो समयमा क्रेडिट युनियनले विश्वभरी नै निरन्तर रुपमा सदस्यलाई उच्च सेवा प्रदान गरिरहेको ओक्कुले बताएको छ ।

बचत तथा ऋण सहकारीले स्थानीय समुदायहरुमा आवश्यक सेवा र सहयोग गरिरहेका छन् । तथापी यस्ता सहकारीहरुलाई अझै पनि अन्य वित्तीय संस्थाहरुभन्दा टाढा राखिएको छ । ‘हामीले वास्तवमै विश्व समुदायका लागि प्रेरणादायी आशा राखेका छौं । यो स्थितिमा क्रेडिट युनियन दिवसका लागि यो भन्दा राम्रो अर्को थिम हुन सक्दैन’ विश्व क्रेडिट युनियनका प्रेसिडेन्ट तथा सिइओ ब्रायन वाँचले भनेका छन् ।

नेपालमा पनि यस दिवस मनाईदै आएको छ । आज नेफ्स्कूनले अर्चुअल कार्यक्रममार्फत दिवस मनाउने कार्यक्रम तय भएको कोषाध्यक्ष दीपक पनेरुले जानकारी दिनुभयो ।

अभिलेख

लोकप्रिय