१२ फाल्गुन २०७६, सोमबार

सहकारी विभागले पहिलोपटक गर्यो पाँच सहकारीको दर्ता खारेज

९ माघ २०७६, बिहीबार

काठमाडौं, ९ माघ ।

सहकारी विभागले पाँच वटा सहकारी संस्थाको दर्ता खारेज गरेको छ । खारेज हुने सहकारी संस्थाहरुमा काठमाडौं महानगरपालिकाका–१२ मा रहेको तपोभूमि कृषि सहकारी संस्था, वडा नं. ३१ मा रहेको हरित कृषि सहकारी संस्था रहेका छन् ।

त्यस्तै भारतीय पूर्वसैनिक कल्याणकारी कृषि सहकारी संस्था, नेपाल किसान राष्ट्रिय कृषि सहकारी संस्था र समृद्ध कृषि सहकारी संस्थाको दर्ता खारेज गरेको सहकारी विभागले जनाएको छ ।

दर्ता खारेज हुने संस्थाहरूले गलत कृयाकलाप गरेको, सम्पत्ति शुद्धीकरणको प्रयास लगायतका कार्य गरेको पाइएकाले इजाजत खारेज गरिएको विभागको भनाई छ ।

विभागले सहकारी ऐन–२०७४ ले दिएको अधिकार प्रयोग गर्दै विभागले पहिलो पटक सहकारीको दर्ता खारेज गरेको हो ।

यसअघि तत्कालीन सहकारी डिभिजन कार्यालयहरूले सहकारी संस्था खारेज गर्ने गरेका थिए । हाल सहकारी डिभिजन खारेज भएर नियमनको अधिकार स्थानीय तहमा गएको छ । अहिले स्थानीय तहभित्र कार्यक्षेत्र भएका सहकारी संस्थाको नियमनको अधिकार स्थानीय तहले नै पाएका छन् ।

तर सहकारी ऐनको दफा ८८ मा सहकारी संस्थाका बहुमत सदस्यले विगठनका लागि निवेदन दिएमा विभागले खारेज गर्न सक्ने व्यवस्था गरेको छ ।

त्यति मात्र नभई विभागका रजिस्ट्रार वा रजिस्ट्रारबाट अधिकार प्राप्त व्यक्तिले समेत सहकारी सिद्धान्तअनुसार काम गरेको नपाइए खारेज गर्न सक्ने ऐनको उपदफा (३) मा व्यवस्था छ ।

अभिलेख

लोकप्रिय