काठमाडौं, २५ मंसिर– राष्ट्रिय सहकारी बैंकको १० औ बार्षिक साधारणसभाको निर्वाचनमा राजेशहरि जोशी प्यानलले धाधाली भएको आरोप लगाएको छ । निवाचनबाट निर्वतमान अध्यक्ष रमेशप्रसाद पोखरेलको प्यालन विजयी भएको थियो । कांग्रेस निकट जोशी प्यानलले फर्जि मत खसेको र बैंकलाई राजनीतिकको थलो बनाएको आरोप लगाएको छ ।

२४ मंसिरमा निर्वाचन हुनु अघि जोशी प्यानलले संस्थाको फोटोकपीमार्फत प्रतिनिधिलाई मतदानमा अधिकार दिएको भन्दै केहि समय नारावाजीसहित विरोध गरेको थियो । त्यसपछि साँझ मत सकिसकेपछि पनि सो समूहले पोखरेल प्यानलले फर्जि मत हालेको भन्दै मत गणनामा अवरोध गर्न खोजेको थियो । जोशी प्यानलका एक व्यक्तीले भने, ‘निवर्तमान अध्यक्ष रमेश पोखरेले आफै फर्जि मत हाल्दा हाल्दै हाम्रो साथीहरु समातेका थिए । त्यो देख्दा देख्दै यो परिणामलाई कसरी स्वीकार्ने ?’

बैकको ९ जना संचालक समिति र ३ लेखा समितिमा एमाले निकट तथा राष्ट्रिय सहकारी बैंकका निवर्तमान अध्यक्ष पोखरेलको प्यानल विजयी भएपछि जोशी प्यानलले आज समिक्षा बैंठक बसी नयाँ रणनीति तय गर्ने भएको बताइएको छ । आजको समिक्षा बैंठकले बैंक एमालेको भातृ संस्था जस्तो भएको आरोप लगाउँदै कांग्रेस र एमाओवादी निकटका संस्थाहरुले सम्पूर्ण पैसा झिक्ने निर्णय गर्ने तयारी भएको स्रोतले बताए । सो समिक्षा बैठक पछि जोशी प्यानलले बुधबार पत्रकार सम्मेलन गरि बैंक एमालेको राजनीति गर्ने थलो भएकाले अन्य विचार राख्नेले बैकको सदस्या फिर्ता गर्न आव्हान गर्ने भएको बुझिएको छ ।

‘हामीले व्यवसायीक सहकारी बैकमा राजनीतिक गन्ध छिर्न नदिउँ भनेर सहमतिमा जानका लागि आग्रह गरेका थियौं तर उहाँहरुले आफ्नो पकड छ भनेर मान्नु भएन । त्यसैले एमालेको राजनीति गर्ने थलोका रुपमा रहेको बैंकमा व्यवसायीक रुपमा चलेका संस्थाहरु नबस्दै राम्रो हुन्छ ।’ नाम प्रकाशित नगर्ने सर्त जोशी प्यानलका एक सहकारीकर्मीले सहकारी खबरलाई बताए ।
मत गणना २५ मंसिरको विहान ८ः ३० बजे सकिदा नसकिदै जोशी प्यानलले अब राष्ट्रिय सहकारी बैंकमा आफ्नो भविश्य नरहेकोले नयाँ रणनीति तय निर्णय गरेको बुझिएको छ ।