सहकारीखबर डटकम दोस्रो बर्षमा

सहकारी खबर

२० चैत्र २०७०, बिहीबार

Share : 1,123

आज ५७ औं राष्ट्रिय सहकारी दिवस – हाम्रा निम्ति पनि विशेष दिन हो । २०१३ चैत्र २० गतेबाट शुरु भएको सहकारी अभियान यस वर्ष ‘सहकारीमार्फत दिगो आर्थिक विकास तथा सामाजिक न्याय’ मूलनाराका साथ देशव्यापी रुपमा विभिन्न रचनात्मक क्रियाकलाप सहित सहकारी दिवस मनाइदैछ ।

ठीक १ बषै अघि आजकै दिनबाट सहकारीखबर डटकमको यात्रा सुरु भएको थियो । सहकारीखबर नामैले पनि हामी विशुद्ध सहकारी क्षेत्रमा हुने गतिविधीलाई प्रथामीकता दिई समाचार र विचारलाई सम्प्रेशण गर्दछौं । मुलुकमा सञ्चार उद्योग स्थापना गर्ने र त्यसलाई दिगो रुपमा अगाडि बढाउने हाम्रो संकल्पलाई सफलतापूर्वक कार्यान्वयन गर्न र गराउन थुप्रैको योगदान छ । को–अपरेटिभ मिडिया सोलुसन प्रा.ली.द्वारा संचालीत सहकारीखबर डटकम आफ्नो पहिलो वाषिर्कोत्सवका अवसरमा सबै सहयोगी हातहरुप्रति हार्दिक आभार प्रकट गर्न चाहन्छ ।

खासगरी श्रद्धय पाठक, सिर्जनशील पत्रकार, लगनशील कर्मचारी, सहयोगी विज्ञापनदाता र एजेन्सीलगायत सम्पूर्ण शुभेच्छुकहरुप्रति हामी आभारी छौं । यहाँ सम्म आईपुग्दा, को–अपरेटिभ मिडिया सोलुसन प्रा.ली.गु्रपको रुपमा संस्थागत हुने कार्यमा प्रयासरत छ । सहकारी पत्रकारीताको सुरुवात भएको धेरै समय नभए पनि यो परिवेशमा सहकारी क्षेत्रका समाचारलाई अनलाईन मार्फत पस्कनु चुनौतपुर्ण कार्य हो ।

आम पाठकलाई सुसुचित गराउने मूल दायित्वबाट हामी कहिल्यै बिमुख हुने छैनौँ । यस सहकारीखबरले बिगतमा निष्पक्ष कभरेजको आम रुपमा जुन प्रशंसा भएको छ, त्यसले हामीलाई व्यवसायिक ढंगले अघि बढ्न थप उत्साह दिएको छ । सहकारी क्षेत्रलाई संस्थागत गर्न सहकारीकर्मीहरुलाई घचघच्याउनका साथै सहकारी क्षेत्रमा देखिएका विकृतिहरुलाई निरुसाहित गर्न र सहकारी मुल्य र मान्यताका पक्षमा पहरेदारी गरिरहने हाम्रो प्रण यस अबसरमा पुनः दोहोर्याउन चहान्छौ ।