म अध्यक्षबाटपछि हड्नु भनेको आम सहकारीकर्मीको अपमान गर्नु होः उप्रेती

सहकारी बैंकको अध्यक्ष पदको लागि कसरी योग्य हुनुहुन्छ ?
म सहकारी महासंघमा पनि २ कार्यकाल बसेर काम गरे । जिल्ला सहकारी संघ, काठमाडौंको पनि दुई पटक अध्यक्ष भएँ । दुई कार्यकालभन्दा पनि कुनै पनि निकायमा बस्नु हुन्न भन्ने मान्यता मेरो रहेको छ । सञ्चालक कार्यकारी बस्न नपाउने गरी ऐन आएको र कार्यान्वय गरेको हुँ । म सँग दुई वटा मात्र विकल्प थिए । एउटा अध्यक्ष हुने । र, अर्को बाहिर बसेर सहयोग गर्ने । मुलकभरका आम सहकारीकर्मीको माग अध्यक्ष बन्नु पर्छ भन्ने भयो । बैंकलाई अघि बढाउन केबी उप्रेतीकै आवश्यक छ भन्ने माग भयो । सबै क्षेत्रबाट अध्यक्ष बन्नको लागि प्रेसर भयो र मैले बाध्य भएर उम्मेदवारी घोषणा गरेको हुँ ।
सहकारी बैंक र सहकारी अभियानका लागि अध्यक्षको उम्मेदवार भएको हुँ । १५ वर्षदेखि यही बैंकमै छु । अभियानलाई नै आवश्यकता परेको हुँदा मैले उम्मेदवारी दिन लागेको हुँ । आम सञ्चालकको चाहना पनि मै बन्नु पर्छ भन्ने हो । सहकारीकर्मीको चाहनालाई मैले आत्मसाथ गर्नै पर्छ । त्यही भएर घोषणा गरेर अघि बढेको हुँ ।
सर्वसम्मत नेतृत्व चयनको सम्भावना छ ?
अहिले नै भन्न सक्ने अवस्था छैन । सबै साथीहरु २१ गते आउनु हुन्छ । जो कोही सदस्यले पनि उम्मेदवारी दिन पाउनु हुन्छ । हामी छलफल र पहलमै छौं । म अहिले चुनावमा गएको छैन । सबै निकायमा सर्वसम्मत नै भएको छु । अहिले नै भन्न सकिने अवस्था छैन ।
चुनाव जित्ने आधारहरु के–के हुन् ?
म त चुनाव कै लागि तयार गरिरहेको छु । आम सहकारीकर्मीहरुको साथ र सहयोग मै उम्मेदवारी घोषणा गरेको हुँ । म भन्दा आम सहकारीकर्मी नै लागिरहनु भएको छ । विवाद रहित ढंगले लागि रहनु भएको छ । सहकारी अभियानको लागि नै उम्मेदवारी हो । साझा ढंगले अघि बढ्नुपर्छ भन्ने मान्यता मेरो रहेको छ ।
भावी योजना के छ ?
सदस्यता विस्तार पहिलो प्राथमिकता हुनेछ । चार वर्ष भित्र २० हजार सदस्य बनाउने छौं । सदस्य सहकारीको समस्या के–के हुन् । ती समस्याको पहिचान गरी समाधान गर्ने छौं । वित्तीय, प्रविधि, शिप, तालिम, स्रोत साधन, सचेतना लगायतका काम हामी गर्ने छौं । अन्तर्राष्ट्रिय सम्बन्ध बढाउने काम गर्ने छौं । निक्षेप बढाउने योजना बनाउने छौं । अहिले भएको कारोबारभन्दा दुई गुणा बढाउने छौं । नयाँ नयाँ प्रविधिमा हामी लाग्ने छौं ।
केबी उप्रेतीलाई नै किन भोट हाल्ने ?
दुई कार्यकालभन्दा बढी एउटै संस्थामा बस्न उपयुक्त छैन । दुई दुई वटा संस्थामा बस्नु पनि हुन्न । बैंकमा कुनै पनि खालको समस्या आउन दिनु पनि हुन्न । केबी उप्रेतीले नेतृत्व गरेको संस्थामा कुनै पनि समस्या आउन दिदैन । जस्तो जुकै चुनौतीलाई पनि डटेर लड्न सक्ने क्षमता म संग छ ।
सहमतीमै जाने अवस्था आएको खण्डमा तपाईं पछि हड्नु हुन्छ ?
त्यो त सम्भावना नै छैन । मेरो नेतृत्वमा सहमती हुन्छ भने ठीक छ यदी हुन सकेन भने चुनाव नै लड्ने हो । आम सहकारीकर्मीको माग अनुसार नै घोषणा गरेको हो । उनीहरु प्रति अन्याय हुन्छ । त्यसैले पछि हड्ने सम्भावना हुँदैन ।
अभिलेख
लोकप्रिय

अक्कु फोरम २०२३ सिकाई: सहकारी सिद्धान्त र व्यवहार
२ आश्विन २०८०, मंगलवार
राष्ट्रिय सहकारी महासंघद्वारा सरकार विरुद्ध चरणवद्ध आन्दोलनका कार्यक्रम घोषणा
८ जेष्ठ २०८०, सोमबार
सहकारी महासंघलाई मन्त्रालयले दिएको डेढ करोडमा महालेखाको प्रश्न !
४ बैशाख २०८०, सोमबार
गैरकानूनी अन्तर सहकारी कारोबारले जोखिम बढ्दै
३ बैशाख २०८०, आईतवारRecent Posts

सेञ्चुरी बहुउद्देश्यीय सहकारी दोस्रो साधारण सभा असोज २७ गते हुने
१२ आश्विन २०८०, शुक्रबार
६०.२०% सदस्यको उपस्थितिमा पोखरा रोयलको २२औं साधारण सभा सम्पन्न, १२% नगद लाभांश पारित
११ आश्विन २०८०, बिहीबार
पशुपति सहकारीमा फसेको बचत माग दाबी गर्न सूचना जारी
११ आश्विन २०८०, बिहीबार