१२ फाल्गुन २०७६, सोमबार

थपियो ५ नयाँ सहकारी सहकारी, समाजसेवा साकोस सञ्चालनमा

२ फाल्गुन २०७६, शुक्रबार

तनहुँ, २ फागुन

तनहुँको आँबुखैरेनी गाउँपालिकामा नयाँ सहकारी संस्था थपिने क्रम बढेको छ । शुक्रबार (फागुन २) गते बाट आँबुखैरेनी बजारमा समाजसेवा बचत तथा ऋण सहकारी संस्था संञ्चालनमा आएको हो ।

यो सँगै चालु आर्थिक वर्ष २०७६/०७७ मा मात्र ५ वटा नयाँ सहकारी सञ्चालनमा आएको छ । आँबुखैरेनी गाउँपालिकाले सहकारी ऐन २०७४ बमोजिम नयाँ सहकारी दर्ता सुरु गरेपछि ६ वटा सहकारी संस्था दर्ता गरिसकेको छ । सोही क्रममा पछिल्लो पटक समाजसेवा बचत तथा ऋण सहकारी संस्था दर्ता भै आजबाट सञ्चालनमा आएको हो ।

सहकारीमा १ सय ४३ जना भुतपूर्व लाहुरेहरुको १ करोड ४३ लाख रुपैयाँ सेयर पुँजी रहेको सहकारीका अध्यक्ष काजी कुमार गुरुङले जानकारी दिनुभयो ।
सहकारीको एक कार्यक्रमका बीच गाउँपालिका अध्यक्ष गिर बहादुर थापाले रिबन काटेर उद्घाटन गर्नुभयो ।

उद्घाटन कार्यक्रमलाई सम्बोन्धन गर्दै भुतपूर्व लाहुरेहरुले सामाजिक सेवा भावले विगतदेखि नै आँबुखैरेनीमा धेरै सामाजिक कामहरु गरि आएको स्मरण गर्दै सहकारी सञ्चालनबाट पनि थप सामाजिक कामहरु गर्न सफल होस् भनि अध्यक्ष थापाले शुभकामना व्यक्त गर्नुभयो ।

अभिलेख

लोकप्रिय