२१ फाल्गुन २०८०, सोमबार

२४ वटै सेवा केन्द्रमा किसान साकोसको विस्तारीत मञ्च, १० हजार सदस्य उपस्थित

८ आश्विन २०८०, सोमबार
२४ वटै सेवा केन्द्रमा किसान साकोसको विस्तारीत मञ्च, १० हजार सदस्य उपस्थित

गैंडाकोट : किसान बचत तथा ऋण सहकारी संस्थाले २८औं वार्षिक साधारण सभा लक्षित विस्तारीत मञ्च कार्यक्रम २०८० सम्पन्न गरेको छ । संस्थाले असोज ५ गते सर्दि सेवा केन्द्र र विष्णुनगर सेवा केन्द्र तथा असोज ६ गते २२ वटा सेवा केन्द्रमा विस्तारीत मञ्च कार्यक्रम सम्पन्न गरेको हो ।

सेवा केद्र संयोजकको अध्यक्षतामा सम्पन्न सम्पूर्ण कार्यक्रममा जनप्रतिनीधीहरु प्रमुख आतिथ्यता रहेको थियो । सञ्चालक समितिका पदाधिकारी, सेवा केन्द्र व्यवस्थापन उपसमितिका पदाधिकारी, समुह संरचना कार्यक्रम उपसमिती पदाधिकारी र कर्मचारी समेत उपस्थित रहेको विस्तारीत मन्च कार्यकममा करिब १० हजार सदस्यहरूको सहभागिता रहेको थियो ।

संस्थाका सेवा तथा आव २०८०/८१ को वजेट, नीति तथा कार्यक्रम प्रस्तुत गरी सो माथी सदस्यहरूको राय सुझाव संकलन गर्ने, आगामी नेतृत्व चयनका लागि निवार्चन कार्यतालिका प्रस्तुत गरिएको थियो । विभिन्न कार्यक्रममा संस्थाका अध्यक्ष श्रीहरि चालिसे उपस्थित भई सहकारीका आगामी वर्षमा अपनाउने रणनिति, सदस्यको संस्थाप्रती सकारात्मक सुझाव र सहभागिता एवं आर्थिक, गैर आर्थिक गतिविधीमा नियन्त्रण र चासो राख्नु पर्ने दायित्व रहेको बताए ।

कार्यक्रममा बोल्दै अध्यक्ष चालिसेले जनताको नियन्त्रणमा रहेको किसान साकोस विगत २८ वर्ष देखि सदस्य केन्द्रित कार्यक्रममा ध्यान दिँदै आएको र आगामी दिनमा पनि निरन्तर रहने प्रतिवद्धता व्यक्त गरेका थिए । उपस्थित सदस्यहरुले निर्वाचन उपसमितीलाई सर्वसम्मत निर्वाचनको प्रकृया पुरा गर्न सुझाव समेत दिएका छन् ।

अधिकांश सदस्यबाट संस्थाले उपलब्ध गराएका सेवाहरु समय सापेक्ष रहनुका साथै उत्कृष्ट समेत रहेको विचार व्यत गरेका थिए । कार्यक्रममा प्रत्येक सेवा केन्द्र बाट आव २०७९/८० मा उत्कृष्ट कारोवार गर्ने ११ जना सदस्य, उत्कृष्ट महिला समुह र सो समुहमा आवद्ध सदस्य, उत्कृष्ट कारोवार संस्थालाई पुरस्कार सम्मान गर्नुका साथै ७० वर्ष भन्दा माथीका जेष्ठ नागरिक हरुलाई सम्मान गरिएको थियो ।

संस्थाको असोज २० र असोज २७ गते इकाई सभा सम्पन्न र कार्तिक ३ गते प्रतिनिधीहरुद्वारा निर्णय पुस्तिका प्रमाणित गर्ने कार्यकम रहेको छ ।

अभिलेख

लोकप्रिय