यौन व्यवसाय रोक्दै सहकारी

एजेन्सी ।रुवाण्डामा यौन व्यवसाय फैलिएको छ । जहाँ कानुनले मान्यता दिएको छैन । तथापी पनि यहाँ धेरै यौनकर्मीहरु छन् जसको स्वास्थ्य र सामाजिक प्रतिष्ठाका लागि धेरै परियोजनाहरु ल्याइएका छन् ।

एफएचआई ३६० र कोफेम सहकारीले यौनकर्मीहरुलाई विभिन्न समूहमा बाँडेर एच.आई.भी एड्स लगायतका यौनरोगको बारेमा जानकारी र चेतना जगाउने काम गर्दै आएको छ । ‘आफ्नो अभियान ती किशोरी र महिलालाई एड्सको जोखिमबाट बचाउनु हो ।’ कोफेम सहकारीकी अध्यक्ष एन्टोनेटी निराजानिक्का भन्छिन्– ‘उनीहरुलाई प्राविधिक शिक्षा दिनाले यौनव्यवसायप्रतिको आर्कषण घटेको छ ।’ यौनकर्मीहरुलाई यस्तो कामबाट निकाल्न अन्य तालिम समेत दिने गरेको छ । सहकारीकै सहयोगमा धेरै यौनकर्मीहरु फेरि विद्यालय अध्ययनलाई निरन्तरता दिईरहेका छन् ।



प्रतिक्रिया दिनुहोस