१६ प्रतिशत अधिकतम ब्याजदरको विरोध

काठमाडौं, २३ साउन
काठमाडौंका सहकारीकर्मीहरुले सरकारले सहकारीको सन्दर्भ ब्याजदरमा कर्जा लगानी अधिकतम १६ प्रतिशत तोकिदिएपछि विरोध गरेका छन् ।

सन्दर्भ ब्याजदरको विषयमा काठमाडौंमा आयोजित ‘सहकारीको स्वायत्तता र स्वतन्त्रता मा सन्दर्भ ब्याजदर’ विषयक अन्तरक्रिया कार्यक्रममा सहकारीकर्मीहरुले विरोध गरेका हुन् । सहकारी स्वायत्तता र स्वतन्त्र हुने भन्दै सरकारले तोकेको व्याजदर तत्काल संशोधन गर्न आग्रह गरेका छन् ।

काठमाडौंको हकमा १६ प्रतिशत ब्याजदरले कर्जा लगानी गर्न नसकिने तर्क गरे । वाणिज्य बैंकहरुसँग प्रतिस्पर्धा गर्नु पर्ने अवस्था रहेको भन्दै संस्था चलाउनै नसकिने बताएका थिए ।

उनीहरुले सहकारी अभियानका तर्फबाट ब्याजदर निर्धारण समितिका सदस्यप्रति आक्रोश पोखे । १६ प्रतिशत कर्जाको ब्याज सिमाले निक्षेप घट्ने र कर्जा बढ्ने उनीहरुको तर्क थियो । कार्यक्रममा बोल्ने सहभागीहरुले ब्याजदर निर्धारणले स्वतन्त्र र स्वायत्ता हनन भएको बताएका थिए ।



प्रतिक्रिया दिनुहोस