सहकारीका सदस्यलाई खुसीको खबरः सहकारीको ब्याजदर अधिकतम् १६ %

काठमाडौं, १७ साउन ।
अब सहकारी संस्थाहरुले १६ प्रतिशतभन्दा बढी ब्याजदर लिन नपाउने भएको छ ।

सहकारी ऐन–२०७४ अनुसार गठित सन्दर्भ ब्याजदर निर्धारण समितिले १६ प्रतिशतभन्दा बढी लिन नपाउने निर्णय गरेको छ ।

बिहीबार बसेको समितिको बैठकले बचतमा न्यूनतम १० प्रतिशत र ऋणमा अधिकतम् १६ प्रतिशत सिलिङ निर्धारण गरेको स्रोतको भनाई छ । तर, समितिका सदस्य मिनराज कडेलले भने सहमती नजिक पुगेको तर निर्णय भैनसकेको प्रतिक्रिया दिए ।

‘बचतमा न्यूनतम १० प्रतिशत र ऋणमा अधिकतम् १६ प्रतिशत निर्धारण गर्नेमा सहमतीको नजिक नजिक पुगेका छौं’, उनले भने, ‘आज (शुक्रबार) एक बजे पत्रकार सम्मेलनको आयोजना गरेका छौं । त्यसभन्दा अघि समितिको बैठक बसी निर्धारण गर्ने छौं ।’



प्रतिक्रिया दिनुहोस