BREAKING NEWS:
Search

स्थापना दिवसमा चन्द्रागिरिको निःशुल्क स्वास्थ्य शिविर र रक्तदान, २ सय ५० सदस्य लाभान्वित

काठमाडौं, ८ बैशाख
काठमाडौंको चन्द्रागिरि नगरपालिका–७, थानकोट महादेवस्थान स्थित चन्द्रागिरि बचत तथा ऋण सहकारी संस्थाले १८ औं स्थापना दिवसको अवसरमा शनिबार निःशुल्क स्वास्थ्य शिविर तथा रक्तदान कार्यक्रमको आयोजना गरेको छ ।

चन्द्रागिरि सहकारी र लायन्स क्लब अफ काठमाडौं, चन्द्रागिरिको संयुक्त आयोजना र ब्लुक्रस हस्पिटल त्रिपुरेश्वर काठमाण्डौं तथा रक्तसञ्चार केन्द्र वालकुमारी ललितपुरको प्राविधिक सहयोगमा उक्त कार्यक्रम सम्पन्न भएको थियो । कार्यक्रममा ७० जना रक्तदाताहरुले रक्तदान गरे भने २५० जना संस्थाका सदस्य तथा सर्वसाधारणहरुले स्वास्थ्य शिविरमा सहभागीता जनाए । वरिष्ठ छातीरोग विशेषज्ञ डा. सुभासचन्द्र यादव र स्त्रीरोग विशेषज्ञ डा. हेमा प्रधानको विशेषज्ञ सेवा प्रदान गर्नुको साथै फिजिसिएन र मेडिकल अफिसरको टोलीले सामान्य स्वाथ्य जाँच गरेको थियो ।

वि.स. २०५८ साल बैशाख ६ गते ५८ जना व्यक्तिहरु मिलेर ३ लाख ५८ हजार रकम संकलन गरी डिभिजन सहकारी कार्यालय काठमाडौंमा दर्ता गरिएको यस संस्था २०७६ चैत्र मसान्त सम्ममा ११ हजार ८ सय ५० जना सदस्य र १ अर्ब ६१ करोडको सम्पत्ति पुगेको छ । संस्थामा हाल १२ प्रकारका बचत, १३ प्रकारका ऋण, १० प्रकारका सदस्य सामाजिक सुरक्षा तथा लाभका कार्यक्रमको साथै ४ प्रकारका अन्य सेवाहरु उपलब्ध रहेका छन् । ‘दिगो संस्था, सुखी र समृद्ध सदस्य’ भन्ने मुल नारा अंगिकार गरी आगामी ४ बर्षमा संस्थाले १९ हजार १ सय जना व्यक्तिहरुलाई आवद्ध गराई गुणस्तरीय सहकारी वित्तिय सेवा प्रदान गर्ने र ४ अर्ब ६४ करोड पूँजि परिचालन गरि सदस्यहरुको आर्थिक, सामाजिक, साँस्कृति जीवनस्तरमा सुधार ल्याउने लक्ष्य लिएको छ ।



प्रतिक्रिया दिनुहोस