BREAKING NEWS:
Search

सहकारी महासंघले घोषणा गर्यो देशभरका उत्कृष्ट सहकारी

ncfbuilding

काठमाडौं, १९ चैत्र

राष्ट्रिय सहकारी महासंघले उत्कृष्ट सहकारी पुरस्कार–२०७५ र उत्कृष्ट सहकारी व्यवसाय पुरसकार–२०७५ प्राप्त गर्ने संघ/संस्थाहरुको नाम घोषणा गरेको छ । सहकारी पुरस्कारका लागि आवेदन भर्ने सहकारी संघ/संस्थाबाट महासंघले उत्कृष्ट संघ/संस्था घोषणा गरेको हो ।

महासंघको सहकारी पुरस्कार उपसमितिका संयोजक सुरेन्द्र भण्डारीले भूमि व्यवस्था, सहकारी तथा गरिवी निवारण मन्त्रालय, राष्ट्रिय सहकारी विकास बोर्ड र राष्ट्रिय सहकारी महासंघले ६२ औं राष्ट्रिय सहकारी दिवसको अवसरमा आयोजना गरेको विशेष कार्यक्रममा सो घोषणा गरेका हुन् ।

उत्कृष्ट सहकारी संघ/संस्थालाई अन्तर्राष्ट्रिय सहकारी दिवसको अवसर पारेर पुरस्कार प्रदान गरिने छ । उत्कृष्ट सहकारी पुरस्कारबाट बहुउद्देश्यी सहकारी संघ लि ललितपुर पुरस्कृत हुने भएको छ । त्यसैगरि उत्कृष्ट सहकारी व्यवसाय पुरस्कार २०७५ बाट प्रदेश १ बाट झापाको शुभलक्ष्मी सहकारी संस्था चुनिएको छ । प्रदेश २ बाट सर्लाहीको मनोकामना बहुउद्देश्यीय सहकारी संसथा, प्रदेश ३ बाट ललितपुरको श्री लालीगुराँस बहुउद्देश्यीय सहकारी संस्था लि., गण्डकी प्रदेशबाट बागलुङको आदर्श सञ्चार सहकारी संस्था लि., प्रदेश ५ बाट रुपन्देहीको सामुहिक विकास बचत तथा ऋण सहकारी संस्था लि., कर्णाली प्रदेशबाट सुर्खेतको साना किसान कृषि सहकारी संस्था लि र सुदुरपश्चिम प्रदेशबाट कैलालीको किसान बहुउद्देश्यीय सहकारी संस्था लि. पुरस्कृत हुने भएका छन् ।



प्रतिक्रिया दिनुहोस