विद्यार्थीलाई शैक्षिक सामग्री वितरण

ramesh

नुवाकोट । नुवाकोटको सूर्यमती–६ मालाकोट स्थित श्री गणेश सूर्य प्राथमिक विद्यालयका विद्यार्थीलाई सामुदायिक कल्याण केन्द्रले शैक्षिक सामग्री वितरण गरेको छ ।

दियालो इन्टरनेशनल, क्यानडा र नहुँदा संस्था नेपालको सहयोगमा सामुदायिक कल्याण केन्द्रले १ सय १ जना विद्यार्थीलाई शैक्षिक सामग्री वितरण गरेको हो । आइतबार एक भव्य कार्यक्रमको बीच विद्यार्थीहरुलाई स्टेशनरीका सामग्री, झोला वितरण गरिएको हो । शैक्षिक सामग्री कार्यक्रममा कृषि विकास बैंकका सञ्चालक तथा नेपाली कांग्रेस केन्द्रीय महासमिति सदस्य रमेशकुमार महत, दियालो इन्टरनेशनल क्यानडाका फाउण्डर मुक्ति सुवेदी, नहुँदा संस्था नेपालका सदस्य सचिव रमिला श्रेष्ठ, नहुँदा संस्था नेपालका व्यवस्थापक राधा ज्ञवाली लगायतको उपस्थित रहेको थियो । कार्यक्रमका प्रमुख अतिथि रहेका महतले विद्यालय भवन निमार्णको लागि पूर्ण रुपमा सहयोग गर्ने बताए । विद्यालयको शैक्षिक गुणस्तरलाई माथि उठाउन आवश्यक सहयोग गर्न सधै तयार रहेको उनको भनाई थियो ।

त्यस्तै दियालो इन्टरनेशनलका फाउण्डर मुक्ति सुवेदीले विद्यालयलाई शैक्षिक सामग्री सहयोग गर्न पाउँदा खुशी रहेको र अन्य सहयोगका लागि पनि संस्था तयार रहेको धारणा राखे । त्यस्तै नहुँदा संस्था नेपालका सदस्य सचिव रमिला श्रेष्ठले सबै संस्थाको सहकार्यमा वितरण गरीएको शैक्षिक सामग्रीले विद्यार्थीको उज्जल भविष्य निमार्णमा सहयोग पुग्ने अपेक्षा गरेको बताईन । सानो सुरुवात भएको र आगामी दिनमा पनि यस्ता कामलाई निरन्तरता दिने प्रतिवद्धता जानाईन । नुवाकोटको सदरमुकाम विदुर नजिकै रहेर पनि श्री गणेश सूर्य प्राथमिक विद्यालय पिछडिएको रुपमा रहेको छ ।

यो विद्यालयमा राई समुदायका मात्र बालबालिका अध्ययन गर्ने गर्दछन् । शैक्षिक सामग्री वितरण कार्यक्रममा सामुदायिक कल्याण केन्द्रका अध्यक्ष श्रीराम श्रेष्ठको सभापतित्वमा सम्पन्न भएको हो ।



प्रतिक्रिया दिनुहोस