१२ फाल्गुन २०७६, सोमबार

६३ औं राष्ट्रिय सहकारी दिवसको थिम तय

३ फाल्गुन २०७६, शनिबार

काठमाडौं, ३ फागुन

६३ औं राष्ट्रिय सहकारी दिवस २०७६ को थिम तय भएको छ । राष्ट्रिय सहकारी महासंघको १८८ औं बोर्ड बैठकले ‘मर्यादित श्रम र पर्यटनका लागि सहकारी’ भन्ने थिम तय गरेको हो।

महासंघको सभाहलमा शुक्रबार बसेको बैठकले २०७६ को चैत २० गते ७७ वटै जिल्लामा उल्लाहपूर्ण वातावरणमा सहकारी दिवस मनाउन समेत आव्हान गरेको छ ।

मर्यादित श्रम र पर्यटनको विकास र विस्तारका लागि सहकारीबाट योगदान बृद्धि गर्ने उद्देश्यले यो थिम तय गरिएको महासंघका अध्यक्ष मिनराज कँडेलले बताउनुभयो ।

बैठकले महासंघका प्रतिनिधित्व गर्ने संचालक तथा लेखा सुपरिवेक्षण समितिका पदाधिकारी तथा सदस्यले प्रतिनिधित्व गरेको संघ र प्रारम्भिक संस्थाहरुको निरिक्षण गर्ने समेत निर्णय गरेको छ ।

पहिलो चरणमा तत्काल संचालक समितिले प्रतिनिधित्व गरेको संघ/संस्थाको निरिक्षण तथा अनुगमन गर्ने निर्णय गरिएको हो । त्यसैगरि बैठकले महासंघले प्रत्येक बर्ष प्रदान गर्दै आएको उत्कृष्ट सहकारी संघ÷संस्था पुरस्कारका लागि आवेदनदिने म्याद फागुन २० गते सम्मका लाथि थप गरेको छ ।

अभिलेख

लोकप्रिय