आंशिक समय कार्यालय खोली सेवा प्रवाह गर्न सहकारी महासंघको आह्वान

काठमाडौं, ९ चैत

राष्ट्रिय सहकारी महासंघले वित्तीय सहकारी संस्थाहरुलाई आंशिक समय कार्यालय संचालन गरेर सदस्यहरुलाई सेवा प्रवाह गर्न आह्वान गरेको छ ।

नेपाल सरकारले विश्वभर फैलिएको नोवेल कोरोना भाईरस (कोभिड–१९) को संक्रमण फैलिन नदिन चैत ९ देखि २१ गते सम्मका लागि मुलुकमा अत्यावश्यक बाहेकका अन्य सेवाहरु बन्द गरेको सन्दर्भमा महासंघले प्रेस विज्ञप्ति जारी गर्दै आंशिक समय कार्यालय संचालन गरेर सदस्यहरुलाई सेवा प्रवाह गर्न आह्वान गरेको हो । साथै महासंघले वित्तीय सहकारी संस्थाहरुलाई तरताको व्यवस्थापन हुनेगरी कारोबार गर्न आग्रह गरेको छ ।

महासंघले यस अवधिमा स्वास्थ्य सहकारी संस्थालाई नियमित स्वास्थ्य सेवा प्रवाह गर्न र उपभोक्ता सहकारी संस्थाहरुलाई अत्यावसेक वस्तुको आपूर्ति गर्न आग्रह गरेको छ ।