अफगानिस्तानका राष्ट्रपति घानी र भुटानका प्रधानमन्त्री तोब्ग काठमाडौँमा

काठमाडौं । सार्क शिखर सम्मेलनमा सहभागी हुन अफगानिस्तानका राष्ट्रपति मोहम्मद असरफ घानी आज बिहान ११ बजे काठमाडौं आइपुगेका छन् ।

राष्ट्रपति घानी सवार विमान त्रिभुवन अन्तर्राष्ट्रिय विमानस्थलमा अवतरण भएलगत्तै शिष्टाचार महापाल कालीप्रसाद पोखरेलले उनलाई स्वागत गरे ।

त्यस्तै भुटानका प्रधानमन्त्री ल्योन्छेन छिरिङ तोब्गे ११ः४० बजे काठमाडौं आइपुगेका छन् । प्रधानमन्त्री तोब्गे सवार विमान त्रिभुवन अन्तर्राष्ट्रिय विमानस्थलमा अवतरण भएलगत्तै शिष्टाचार महापाल कालीप्रसाद पोखरेलले उनलाई स्वागत गरे ।