सहकारीमा मर्जरको लहर,१३ जिल्लाका २९ सहकारी गाभिए

 
काठमाडौ, ६ पुस । बचत तथा ऋणको कारोबार गर्ने सहकारी संस्थाहरु एकापसमा गाभिने क्रम बढेको छ । सहकारी विभागका् तथ्यांक अनुसार १३ जिल्लाका २९ सहकारी संस्थाहरु मर्ज भैसकेका छन्। सहकारी विभागको आर्थिक बर्ष२०६९।७०को बार्षिक प्रतिवेदन अनुसार मकवापुरमा १, नवलपरसीमा १ ,काठमाडौमा १ ,ललितपुरमा १ र भक्तपुरमा २ सहकारी मर्ज भएको उल्लेख गरिएको छ । यस्तै झापामा ४ तनहुमा २,सर्लाहिमा १, मोरंगमा २ काभ्रेमा ६ दोलखामा ४, बाग्लुंगमा ३र धनकुटामा १ सहकारी मर्ज भएको बताएको छ ।
एउटै स्थानका सहकारी संस्था मर्ज भएमा पूजी बढ्ने र खर्च कम हुने भएकाले मर्जको प्रक्रियामा चासो बढ्दै गएको हो । सहकारीहरु मर्ज गर्नुको मुख्य उद्देश्य वित्तीय बजारमा प्रतिस्पर्धा गर्न सक्ने संस्थाको विकास गर्नु भएको बताइन्छ । मर्जबाट संस्थागत संस्कारको विकास र प्रशासनिक खर्चसमेत कटौती हुने गर्छ । साथै, सदस्यहरुलाई प्रदान गरिने सुविधालाई प्रभावकारी बनाउन पनि मर्ज गर्न आवश्यक भएको सहकारी विदहरु बताउछन । सहकारी मापदण्ड २०६८ले पनि मर्जलाई प्रथामिकतामा राखेको छ । तर संख्यात्म रुपमा सहरी क्षेत्रमा रहेका वित्तिय सहकारीहरु एकै प्रकृतिमा सञ्चालन भए पनि मर्जमा जान भने खासै उत्साहित देखिदैनन्। नेपालमा सहकारी संस्थाको सङख्या करीब २९ हजार पुगेको अनुमान छ । तीमध्ये १२ हजारभन्दा बढीले बचत तथा ऋणको कारोबार गर्दै आएका छन् ।